Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvaða dýr sér best?

Ef við skilgreinum bestu sjónina út frá næmni sjónarinnar, þá má sennilega telja fráneygustu dýr jarðar vera ránfugla (falconiformes), enda er algengt að ránfuglar í fæðuleit fljúgi hátt til að geta leitað eftir bráð á sem stærstu svæði.

Gullörninn (Aquila chrysaetos) er einn slíkra fugla. Gullernir lifa meðal annars á hinum miklu sléttum í suðurhluta Rússlands, Mongólíu og í Bandaríkjunum og þurfa að skima úr mikilli hæð eftir smáum spendýrum. Talið er að þeir geti greint 45 cm langan héra við góðar aðstæður í 3 km fjarlægð. Förufálki (Falco peregrinus) er talinn geta greint dúfu í 8 km fjarlægð.

Rannsóknir á næmni sjónar náttuglunnar (Strix aluco) við Háskólann í Birmingham á Englandi leiddi ljós að auga hennar er um 2,5 sinnum næmara en mannsaugað. Sjónnæmni þessarar uglutegundar er að öllum líkindum mjög áþekk næmni stóru arnartegundanna og annarra ránfugla.

Heimild:

Heimsmetabók Guinness. Ritstjórn íslensku útgáfu: Helgi Magnússon. Örn og Örlygur: 1989.

Skoðið einnig skyld svör:



Mynd af gullerni: Birds of Prey

Mynd af náttuglu: Birds of Russia in photos

Útgáfudagur

3.7.2001

Spyrjandi

Brynjar Bergsteinsson, f. 1985

Höfundur

Jón Már Halldórsson

líffræðingur

Tilvísun

Jón Már Halldórsson. „Hvaða dýr sér best? “ Vísindavefurinn, 3. júlí 2001. Sótt 16. júlí 2018. http://visindavefur.is/svar.php?id=1764.

Jón Már Halldórsson. (2001, 3. júlí). Hvaða dýr sér best? Vísindavefurinn. Sótt af http://visindavefur.is/svar.php?id=1764

Jón Már Halldórsson. „Hvaða dýr sér best? “ Vísindavefurinn. 3. júl. 2001. Vefsíða. 16. júl. 2018. <http://visindavefur.is/svar.php?id=1764>.

Chicago | APA | MLA

Sendu inn spurningu
eða

Vísindadagatalið

Loftskip

Loftskip eru í meginatriðum loftbelgir sem hægt er að knýja áfram og stýra í þá stefnu sem menn vilja fara. Frakkinn Henri Giffard (1825–1882) smíðaði fyrsta loftskipið árið 1852. Fyrsta loftskipið með styrktargrind var smíðað af Þjóðverjanum Ferdinand von Zeppelin (1838–1917). Loftskipið Graf Zeppelin kom tvisvar til Íslands, 1930 og 1931.