Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvað merkir orðið „göndull”?

Orðið göndull hefur fleiri en eina merkingu. Það er notað um vöndul, eitthvað sem er flækt og samansnúið. Það er líka notað í merkingunni 'gróft band'. Þá er það notað um mann sem er jarðvöðull, það er sóði í vinnubrögðum og umgengni. Göndull er einnig notað um getnaðarlim og út frá þeirri merkingu er sennilega komið að kalla grýlukerti göndla.

Í fornu máli merkti göndull einnig 'galdrasproti'. Orðið er talið skylt gandur sem meðal annars merkir 'stafur, staur, prik' og í fornu máli 'galdur'.



Mynd: HB

Útgáfudagur

13.7.2001

Spyrjandi

Kristrún Elíasdottir, f. 1985

Efnisorð

Höfundur

Guðrún Kvaran

prófessor

Tilvísun

Guðrún Kvaran. „Hvað merkir orðið „göndull”?“ Vísindavefurinn, 13. júlí 2001. Sótt 19. júlí 2018. http://visindavefur.is/svar.php?id=1784.

Guðrún Kvaran. (2001, 13. júlí). Hvað merkir orðið „göndull”? Vísindavefurinn. Sótt af http://visindavefur.is/svar.php?id=1784

Guðrún Kvaran. „Hvað merkir orðið „göndull”?“ Vísindavefurinn. 13. júl. 2001. Vefsíða. 19. júl. 2018. <http://visindavefur.is/svar.php?id=1784>.

Chicago | APA | MLA

Sendu inn spurningu
eða

Vísindadagatalið

Hundaæði

Hundaæði er heilabólga sem orsakast af veiru sem smitast með dýrabiti, oftast biti hunds eða leðurblöku. Einkenni eru rugl, æsingur eða æðisköst, ofskynjanir, krampar, slef, skert meðvitund, lömun og erfiðleikar við að kyngja. Komi einkenni frá taugakerfi fram er sjúkdómurinn oftast banvænn. Franski efna- og örverufræðingurinn Louis Pasteur varð fyrstur til að þróa bóluefni gegn hundaæði.