Fyrsta nothæfa reiðhjólið er talið hafa komið fram árið 1818. Það var Karl von Drais (1785-1851) frá Þýskalandi sem á heiðurinn af því en tækið var reyndar ekki með fótstigum (pedölum) né stýri heldu þurfti notandinn að hlaupa og renna sér áfram. Það minnti því frekar á hlaupahjól en reiðhjól eins og við þekkjum þau. Verulegar framfarir í reiðhjólasmíði urðu næst árið 1861, en þá komu Frakkarnir Pierre Michaux (1813-1883) og sonur hans Ernest, fótstigum fyrir á framhjólinu. Margir hafa eflaust séð útgáfu þeirra af reiðhjólinu á myndum en framhjólið er gríðarstórt í samanburði við afturhjólið.
- Hvernig getum við náð jafnvægi á hjóli með engum hjálpardekkjum? eftir Hildi Guðmundsdóttur
- Af hverju er auðveldara að halda jafnvægi á hjóli þegar maður er á ferð? eftir Hildi Guðmundsdóttur
- Bicycle á Wikipedia, the Free Encyclopedia
- Uppfinningabókin - Tækni og vísindi frá steinöld til geimaldar, Örn og Örlygur, Reykjavík 1990.
- Ordinary bicycle á Wikimedia Commons, birt með GFDL leyfi
Þetta svar er eftir nemendur í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2008.