Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Af hverju heita egg skötunnar pétursskip?

Tindabikkjan sem er skötutegund gerir hylki utan um egg sín og ganga þau undir ýmsum nöfnum. Algengust eru pétursbudda og pétursskip en einnig eru þau nefnd pétursbörur, péturspungur og skötuskip. Orðabók Háskólans á dæmi um pétursskip og pétursbuddu frá síðari hluta 18. aldar en hin virðast öll yngri.

Nafnið er án efa sótt til Péturs postula eins og mörg önnur orð tengd veiðum og lífríki sjávar. Sem dæmi má nefna að skeggþráður á höku þorsks heitir pétursangi eða pétursbeita, annað nafn á ýsunni er pétursfiskur, péturskóngur er kuðungategund og pétursfæri er sérstök þangtegund. Þegar þýskir sjómenn halda til veiða eru þeir kvaddir með orðunum ,,heill Pétri" (,,Petri heil") en ekki ,,gangi þér vel" sem þykir ólánsmerki.

Útgáfudagur

9.3.2000

Spyrjandi

Karl Sigurðsson

Efnisorð

Höfundur

Guðrún Kvaran

prófessor

Tilvísun

Guðrún Kvaran. „Af hverju heita egg skötunnar pétursskip? “ Vísindavefurinn, 9. mars 2000. Sótt 23. október 2018. http://visindavefur.is/svar.php?id=211.

Guðrún Kvaran. (2000, 9. mars). Af hverju heita egg skötunnar pétursskip? Vísindavefurinn. Sótt af http://visindavefur.is/svar.php?id=211

Guðrún Kvaran. „Af hverju heita egg skötunnar pétursskip? “ Vísindavefurinn. 9. mar. 2000. Vefsíða. 23. okt. 2018. <http://visindavefur.is/svar.php?id=211>.

Chicago | APA | MLA

Sendu inn spurningu
eða

Vísindadagatalið

Rósa Þorsteinsdóttir

1958

Rósa Þorsteinsdóttir er þjóðfræðingur á Stofnun Árna Magnússonar í íslenskum fræðum. Hún hefur haft umsjón með tölvuskráningu þjóðfræðasafns stofnunarinnar og séð um margs konar útgáfur á þjóðfræðiefni.