Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Landsvirkjun - borði í orkumálaflokki

Hvaða orkugjafar eru algengastir við raforkuframleiðslu í heiminum?

Raforkuframleiðsla á Íslandi kemur nær eingöngu frá endurnýjanlegum orkugjöfum. Um 70% af raforkuframleiðslunni kemur frá vatnsafli eins og lesa má um í svari við spurningunni Hvaða orkugjafar eru á Íslandi?

Fróðlegt getur verið að bera saman raforkuframleiðslu eftir löndum og sjá hvaða orkugjafi sér flestum jarðarbúum fyrir rafmagni. Samkvæmt gögnum frá Alþjóðabankanum (e. The World Bank) var heildarraforkuframleiðsla árið 2013 23.354,5 TWh sem jafngildir 23.354.500 GWh en til samanburðar var heildarraforkuframleiðsla á Íslandi 18.116 GWh það árið eða tæp 0,08% af heimsframleiðslunni. Heildarraforkuframleiðsluna, skipt eftir orkugjöfum, má sjá á töflu 1.

Tafla 1: Raforkuframleiðsla (árið 2013) í heiminum öllum eftir orkugjöfum.

Orkugjafi
TWh
Hlutfall
Kol
9.598,7
41,1%
Jarðgas
5.067,9
21,7%
Vatnsafl (endurnýjanlegur orkugafi)
3.760,1
16,1%
Kjarnorka
2.475,6
10,6%
Aðrir endurnýjanlegir orkugjafar
1.261,1
5,4%
Olía
840,8
3,6%
Aðrir orkugjafar
350,3
1,5%
Samtals:
23.354,4
100,0%

Kol, olía og jarðgas teljast til jarðefnaeldsneytis (e. fossil fuel) en saman gefa þessir þrír orkugjafar 66,4% af heildarframleiðslunni. Hlutur endurnýjanlegrar orku er því einungis 21,5%. Kjarnorka gefur 10,6% og aðrir orkugjafar 1,5%.

Rúm 40% af raforkuframleiðslu heimsins kemur frá kolum. Myndin sýnir virkjun í Póllandi sem notar kol til raforkuframleiðslu.

Heimildir:

Mynd:

Útgáfudagur

11.10.2016

Spyrjandi

Sigurður Pálsson, Pétur Pétursson, Jón Snorrason

Höfundur

Tilvísun

ÍDÞ. „Hvaða orkugjafar eru algengastir við raforkuframleiðslu í heiminum? “ Vísindavefurinn, 11. október 2016. Sótt 17. desember 2018. http://visindavefur.is/svar.php?id=21960.

ÍDÞ. (2016, 11. október). Hvaða orkugjafar eru algengastir við raforkuframleiðslu í heiminum? Vísindavefurinn. Sótt af http://visindavefur.is/svar.php?id=21960

ÍDÞ. „Hvaða orkugjafar eru algengastir við raforkuframleiðslu í heiminum? “ Vísindavefurinn. 11. okt. 2016. Vefsíða. 17. des. 2018. <http://visindavefur.is/svar.php?id=21960>.

Chicago | APA | MLA

Sendu inn spurningu
eða

Vísindadagatalið

Smári

Smári (transistor) er grundvallareining örrása, eins og t.d. þeirra sem notaðar eru í tölvum. Í smára er einn rafstraumur notaður til að stýra öðrum og með því að tengja saman marga smára má framkvæma ýmsar flóknari aðgerðir. Smárar eru gerðir úr hálfleiðandi efnum. Fyrsti smárinn var smíðaður á rannsóknarstofum Bell-símafélagsins árið 1947; það var stór áfangi í þróun tölvunnar.