Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Geta mýs stokkið og - ef svo er - hversu hátt?

Já, mýs geta stokkið. Húsamús getur stokkið um 30 cm. Hún getur hlaupið níu metra upp vegg og stokkið niður 2,4 metra án þess að meiða sig.

Húsamýs eru um 5-8 cm langar fyrir utan skottið og þær vega um 15-25 g. Húsamús líkist hagamúsinni en er minni og hefur lengra skott.

Húsamús getur troðið sér í gegnum gat sem er á stærð við smápening. Hún þrífst ágætlega ef frost fer ekki niður fyrir 10 stig. Hún getur náð sex ára aldri og eignast allt að sex unga á 50 daga fresti.

Mikill óþrifnaður fylgir músum. Þær éta 15-20 sinnum á dag og á einum mánuði innbyrða þær fimm- til tífalda eigin þyngd. Húsamúsin étur mat sem geymdur er í skýlum og geymslum og getur nagað í sundur símalínur. Á músinni finnast flær, smámaurar og önnur sníkjudýr.

Þetta svar er eftir grunnskólanema á námskeiði Vísindavefsins sem haldið er í samvinnu við samtökin Heimili og skóla og Fræðslumiðstöð Reykjavíkurborgar vegna bráðgerra barna.

Heimild og mynd

Á Vísindavefnum má einnig lesa um húsamýs í svari Páls Hersteinssonar við spurningunni Hvert er minnsta dýr Íslands?

Útgáfudagur

20.9.2002

Spyrjandi

Jóhann Gunnarsson

Höfundur

nemandi í Rimaskóla

Tilvísun

Lilja Kristinsdóttir. „Geta mýs stokkið og - ef svo er - hversu hátt?“ Vísindavefurinn, 20. september 2002. Sótt 20. ágúst 2018. http://visindavefur.is/svar.php?id=2257.

Lilja Kristinsdóttir. (2002, 20. september). Geta mýs stokkið og - ef svo er - hversu hátt? Vísindavefurinn. Sótt af http://visindavefur.is/svar.php?id=2257

Lilja Kristinsdóttir. „Geta mýs stokkið og - ef svo er - hversu hátt?“ Vísindavefurinn. 20. sep. 2002. Vefsíða. 20. ágú. 2018. <http://visindavefur.is/svar.php?id=2257>.

Chicago | APA | MLA

Sendu inn spurningu
eða

Vísindadagatalið

Inga Reynisdóttir

1962

Inga Reynisdóttir starfar á meinafræðideild Landspítala þar sem hún er ábyrgðarmaður skyldleikarannsókna og stundar hún jafnframt vísindarannsóknir á brjóstakrabbameini. Inga er einnig klínískur prófessor við Læknadeild Háskóla Íslands. Vísindarannsóknir Ingu og samstarfsaðila hennar beinast einkum að því að skilgreina erfðavísa sem hafa áhrif á myndun eða þróun krabbameins í brjóstum.