Senda inn spurningu
Sólin Sólin Rís 05:36 • sest 21:19 í Reykjavík
Tunglið Tunglið Rís 16:44 • Sest 05:50 í Reykjavík
Flóð Flóð Árdegis: 04:37 • Síðdegis: 17:05 í Reykjavík
Fjaran Fjara Árdegis: 10:57 • Síðdegis: 23:09 í Reykjavík
Visit the English version

Flokkun:

Náttúruvísindi og verkfræði Lífvísindi: dýrafræði

Sleikja kettir sig af vana eða þegar þeir eru skítugir?

Jón Már Halldórsson

Svarið við þessari spurningu er bæði já og nei. Margar ástæður geta legið á bak við þetta atferli kattardýra. Eins og glöggir kattareigendur vita eyðir kötturinn miklum tíma í að snyrta sig. Samkvæmt atferlisrannsóknum er um að ræða allt að helmingi þess tíma sem dýrið er vakandi.

En hver er tilgangurinn með allri þessari snyrtingu?

Í fyrsta lagi eru kettir að fjarlægja hár sem hafa losnað, dautt skinn og ýmis konar óhreinindi úr feldinum. Í öðru lagi sleikja kettir sig þegar þeim er heitt og skilja þá eftir á feldinum munnvatn sem leiðir til kælingar líkama þeirra. Í þriðja lagi fara kettir að sleikja sig þegar þeir eru á einhvern hátt taugaóstyrkir, pirraðir eða hræddir.

Ef kettir sleikja sig óeðlilega mikið getur það verið merki um að þeir séu með einhvers konar húðsjúkdóm eða að flær eða maurar séu í feldinum. Það getur valdið köttum miklum kláða. Kunnugir hafa einnig bent á að þegar einhver köttur hefur betur í landamæradeilum við annan kött gerist sá köttur sem tapaði stríðinu undirgefinn og tekur upp á því að þvo sér í tíma og ótíma!



Gaupa þvær sér.

Myndin er fengin af vefsetri San Diego Natural History Museum

Höfundur

Jón Már Halldórsson

Jón Már Halldórsson

líffræðingur

Útgáfudagur

8.5.2002

Spyrjandi

Embla Vigfúsdóttir

Efnisorð

Tilvísun

Jón Már Halldórsson. „Sleikja kettir sig af vana eða þegar þeir eru skítugir?“ Vísindavefurinn, 8. maí 2002. Sótt 20. apríl 2024. http://visindavefur.is/svar.php?id=2369.

Jón Már Halldórsson. (2002, 8. maí). Sleikja kettir sig af vana eða þegar þeir eru skítugir? Vísindavefurinn. Sótt af http://visindavefur.is/svar.php?id=2369

Jón Már Halldórsson. „Sleikja kettir sig af vana eða þegar þeir eru skítugir?“ Vísindavefurinn. 8. maí. 2002. Vefsíða. 20. apr. 2024. <http://visindavefur.is/svar.php?id=2369>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Sleikja kettir sig af vana eða þegar þeir eru skítugir?
Svarið við þessari spurningu er bæði já og nei. Margar ástæður geta legið á bak við þetta atferli kattardýra. Eins og glöggir kattareigendur vita eyðir kötturinn miklum tíma í að snyrta sig. Samkvæmt atferlisrannsóknum er um að ræða allt að helmingi þess tíma sem dýrið er vakandi.

En hver er tilgangurinn með allri þessari snyrtingu?

Í fyrsta lagi eru kettir að fjarlægja hár sem hafa losnað, dautt skinn og ýmis konar óhreinindi úr feldinum. Í öðru lagi sleikja kettir sig þegar þeim er heitt og skilja þá eftir á feldinum munnvatn sem leiðir til kælingar líkama þeirra. Í þriðja lagi fara kettir að sleikja sig þegar þeir eru á einhvern hátt taugaóstyrkir, pirraðir eða hræddir.

Ef kettir sleikja sig óeðlilega mikið getur það verið merki um að þeir séu með einhvers konar húðsjúkdóm eða að flær eða maurar séu í feldinum. Það getur valdið köttum miklum kláða. Kunnugir hafa einnig bent á að þegar einhver köttur hefur betur í landamæradeilum við annan kött gerist sá köttur sem tapaði stríðinu undirgefinn og tekur upp á því að þvo sér í tíma og ótíma!



Gaupa þvær sér.

Myndin er fengin af vefsetri San Diego Natural History Museum

...