Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvers vegna sér maður einungis andarunga en aldrei dúfuunga á Tjörninni?

Aðeins vissar tegundir fugla og fuglsunga lifa á Tjörninni því dýr eru aðlöguð að vissum svæðum en ekki öðrum. Ganga má að því vísu að hitta fyrir ákveðna tegundir af fuglum í fuglabjörgum eða mólendi svo dæmi séu tekin.

Eftir klak fara andarungarnir strax í vötn, ár eða tjarnir eins og til dæmis Tjörnina í Reykjavík, til þess að læra að bjarga sér og afla sér fæðu með móður sína með sér til halds og traust. Slíkt hátterni kalla fuglafræðingar hreiðurfælni.

Hið sama gildir ekki um dúfur. Dúfur eru upprunalega bjargfuglar en hafa í seinni tíð fundið sér búsvæði í borgum þar sem þær verpa iðulega utan í byggingum sem eru ekkert annað en bjargir í augum dúfnanna. Dúfuungar halda til í hreiðrinu á meðan foreldrarnir bera ofan í þá fæðu. Þegar þeir verða fleygir fylgja þeir foreldrum sínum eða fara einir að leita sér að fæðu á götum og strætum borgarinnar þar sem lífsbaráttan tekur við.



Andarmamma með tvo unga sína á tjörn.

Myndin er fengin á vefsetrinu The office. com

Útgáfudagur

3.7.2002

Spyrjandi

Viðar Þorsteinsson

Höfundur

Jón Már Halldórsson

líffræðingur

Tilvísun

Jón Már Halldórsson. „Hvers vegna sér maður einungis andarunga en aldrei dúfuunga á Tjörninni?“ Vísindavefurinn, 3. júlí 2002. Sótt 21. október 2019. http://visindavefur.is/svar.php?id=2559.

Jón Már Halldórsson. (2002, 3. júlí). Hvers vegna sér maður einungis andarunga en aldrei dúfuunga á Tjörninni? Vísindavefurinn. Sótt af http://visindavefur.is/svar.php?id=2559

Jón Már Halldórsson. „Hvers vegna sér maður einungis andarunga en aldrei dúfuunga á Tjörninni?“ Vísindavefurinn. 3. júl. 2002. Vefsíða. 21. okt. 2019. <http://visindavefur.is/svar.php?id=2559>.

Chicago | APA | MLA

Sendu inn spurningu
eða

Vísindadagatalið

Helga Zoega

1976

Helga Zoega er prófessor í lýðheilsuvísindum við Læknadeild HÍ. Rannsóknir Helgu eru á sviði lyfjafaraldsfræði og beinast einkum að lyfjanotkun meðal barnshafandi kvenna og barna – hópum sem lyf eru sjaldnast prófuð á áður en þau koma á markað.