Villt dýr deyja af ýmsum ástæðum, svo sem vegna sjúkdóma, hungursneyðar eða afráns. Afar fátítt er að þau deyji úr elli, enda er lífsbarátta þeirra hörð og óvægin. Þegar aldurinn færist yfir ráðandi karlljón er það yfirleitt hrakið á brott af yngra og sterkara karlljóni. Aðdragandinn að því er iðulega harður bardagi þar sem eldra ljónið getur særst illa. Rannsóknir á slíkum föllnum konungum hafa leitt í ljós að eftir að hafa verið hrakin frá völdum deyja þau mjög skjótt. Þetta á einnig við um önnur dýr með svipað félagsmynstur.
Ekki hafa farið fram rannsóknir þar sem hlutfall ellidauða meðal ýmsra tegunda er borið saman. Sennilegt þykir þó að rándýr lifi lengur en til dæmis grasbítar. Meðlimir þeirrar tegundar sem líklegast er að deyji svokölluðum ellidauða er án efa maðurinn, enda eigum við núorðið enga náttúrulega óvini.
Stór hluti mannkyns lifir þó við mikinn skort og í þriðja heiminum draga sjúkdómar eins og mýrarkalda og kólera milljónir manna til dauða á ári hverju. Víða í Afríku er alnæmi stóralvarlegt vandamál. Þrátt fyrir þetta er það helst maðurinn sem getur vænst þess að bera beinin vegna sjúkdóma sem tengdir eru hárri elli.
Jón Már Halldórsson. „Einstaklingar hvaða dýrategundar eru líklegastir til að deyja úr elli?“ Vísindavefurinn, 16. júlí 2002. Sótt 24. apríl 2024. http://visindavefur.is/svar.php?id=2595.
Jón Már Halldórsson. (2002, 16. júlí). Einstaklingar hvaða dýrategundar eru líklegastir til að deyja úr elli? Vísindavefurinn. Sótt af http://visindavefur.is/svar.php?id=2595
Jón Már Halldórsson. „Einstaklingar hvaða dýrategundar eru líklegastir til að deyja úr elli?“ Vísindavefurinn. 16. júl. 2002. Vefsíða. 24. apr. 2024. <http://visindavefur.is/svar.php?id=2595>.
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 05:22 • sest 21:31
Tunglið
Rís 23:11 • Sest 05:11
Flóð
Árdegis: 06:38 • Síðdegis: 18:56
Fjara
Árdegis: 00:39 • Síðdegis: 12:46
Ekki hafa farið fram rannsóknir þar sem hlutfall ellidauða meðal ýmsra tegunda er borið saman. Sennilegt þykir þó að rándýr lifi lengur en til dæmis grasbítar. Meðlimir þeirrar tegundar sem líklegast er að deyji svokölluðum ellidauða er án efa maðurinn, enda eigum við núorðið enga náttúrulega óvini.
Stór hluti mannkyns lifir þó við mikinn skort og í þriðja heiminum draga sjúkdómar eins og mýrarkalda og kólera milljónir manna til dauða á ári hverju. Víða í Afríku er alnæmi stóralvarlegt vandamál. Þrátt fyrir þetta er það helst maðurinn sem getur vænst þess að bera beinin vegna sjúkdóma sem tengdir eru hárri elli.
