Hvar í heiminum lifa tígrisdýr?

Nafn þitt

Netfang þitt

Netfang móttakanda

Ruslpóstvörn =

Svar

Hvar í heiminum lifa tígrisdýr?

Útbreiðslukort tígrisdýra í heiminum í dag.

Núlifandi tígrisdýrum (Panthera tigris) er skipt í fimm deilitegundir sem allar lifa í austanverðri Asíu. Deilitegundirnar eru Bengaltígrisdýrið (Panthera tigris tigris), sem finnst aðallega á Indlandi en einnig að nokkru leyti í Nepal og Bútan og örfá dýr eru á afskekktu svæði í suðausturhluta Kína. Indókínverska tígrisdýrið (Panthera tigris corbetti) finnst á svæði sem kallað er Indókína eða þar sem nú eru Víetnam, Taíland, Malasía, Kambódía og Laos. Suður-kínverska tígrisdýrið (Panthera tigris amoyensis) finnst á afskekktu svæði í suðaustur Kína. Síberíutígrisdýrið (stundum kallað Ussuritígrisdýrið) (Panthera tigris altaica) sem er stærsta deilitegundin lifir í suðausturhluta Síberíu, Mansjúríu og á Kóreuskaganum. Súmötrutígrisdýrið (Panthera tigris sumatrae) lifir á eyjunni Súmötru í Indónesíu.

Myndin er fengin á vefsíðu dýragarðsins á Isle of Wight.

Skoðið einnig skyld svör:

• Hver er helsti útlitsmunur á núlifandi deilitegundum tígrisdýra? eftir Jón Má Halldórsson.
• Eru hvít tígrisdýr albinóa tilvik eða sérstök tegund? eftir Jón Má Halldórsson.
• Geta tígrisdýr og blettatígur eignast afkvæmi og hvað kallast það þá? Geta mismunandi kattardýr eignast afkvæmi? eftir Pál Hersteinsson.
• Af hverju eru sebrahestar og tígrisdýr röndótt? eftir Jón Má Halldórsson.

...