Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver er munurinn á stjörnu og tungli?

Það er mikill munur á tungli og stjörnu. Stjörnur eru sólir sem framleiða eigið ljós og hita líkt og sólin okkar gerir. Sólstjarna myndar orku sína við ákveðið ferli sem nefnist kjarnasamruni, en þá ummyndast vetni í kjarna stjörnunnar í helíum. Stjarna getur mest haft 120 sinnum meiri massa en sólin okkar, ef hún væri massameiri myndi hún springa vegna eigin geislunar. Minnsti massi sólstjörnu er 8% af massa sólarinnar en fyrir neðan þetta mark geta stjörnur aldrei orðið nægilega heitar til að koma af stað kjarnasamruna. Þess háttar fyrirbæri nefnast brúnn dvergur. Flestar stjörnurnar sem við sjáum á himninum eru stærri en sólin okkar og í næsta nágrenni við okkur.

Tungl er lítill hnöttur sem gengur umhverfis stærri hnött sem sjálfur er á sporbaug umhverfis sólstjörnu. Fylgihnettir sólar framleiða ekki sitt eigið ljós, heldur endurvarpa því sólarljósi sem á þá fellur. Allar reikistjörnur sólkerfisins hafa tungl umhverfis sig, að Merkúríusi og Venusi undanskilinni.

Skoðið einnig skyld svör:Heimildir:
  • Ridpath, Ian. A Dictionary of Astronomy. London, Oxford University Press, 1999.
  • Þorsteinn Sæmundsson. Stjörnufræði – Rímfræði. Reykjavík, Bókaútgáfa Menningarsjóðs og Þjóðvinafélagsins, 1972.



Myndir: Astronomival Society of South Australia

Útgáfudagur

2.8.2002

Spyrjandi

Agnar Júlíusson
Elín Finnsdóttir

Höfundur

Sævar Helgi Bragason

nemi í stjarneðlisfræði

Tilvísun

Sævar Helgi Bragason. „Hver er munurinn á stjörnu og tungli?“ Vísindavefurinn, 2. ágúst 2002. Sótt 18. ágúst 2019. http://visindavefur.is/svar.php?id=2627.

Sævar Helgi Bragason. (2002, 2. ágúst). Hver er munurinn á stjörnu og tungli? Vísindavefurinn. Sótt af http://visindavefur.is/svar.php?id=2627

Sævar Helgi Bragason. „Hver er munurinn á stjörnu og tungli?“ Vísindavefurinn. 2. ágú. 2002. Vefsíða. 18. ágú. 2019. <http://visindavefur.is/svar.php?id=2627>.

Chicago | APA | MLA

Sendu inn spurningu
eða

Vísindadagatalið

Ásta Heiðrún Pétursdóttir

1984

Ásta Heiðrún Elísabet Pétursdóttir er doktor í efnagreiningum og vinnur sem sérfræðingur hjá Matís. Rannsóknir Ástu snúa að snefilefnum, sér í lagi að formgreiningu arsens. Ásta hefur unnið að aðferðaþróun til að mæla eitruð efnaform arsens auk þess að rannsaka flókin efnasambönd arsens á borð við arsenlípíð.