Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hver er munurinn á venjulegum hlébarða og snjóhlébarða?

Hlébarði (Panthera pardus) og snjóhlébarðinn, sem oftar er nefndur snæhlébarði (Leo uncia) eru tvær fjarskyldar tegundir af kattarætt (Felidae).

Talsverður útlitsmunur er á þessum tegundum. Hlébarðar eru mun stærri dýr og vega frá 50-100 kg en snæhlébarðar eru einungis um 23-41 kg.

Snæhlébarðar lifa við mjög erfið skilyrði í fjalllendi í austurhluta Asíu, Mið-Asíu og í Himalajafjöllum. Kjörlendi þeirra er í 1.800 til allt að 5.500 metra hæð. Í þessari hæð geta veðurfarsskilyrði verið ákaflega erfið enda hafa snæhlébarðarnir mjög þykkan feld, mun þykkari en hlébarðar og önnur kattardýr. Feldur snæhlébarða er hvítur með svörtu rósettumynstri en feldur hlébarða appelsínugulur með svörtum deplum; það er dæmigerð aðlögun að lifnaðarháttum í skóglendi.



Líffræðingar hafa löngum flokkað snæhlébarðann í ættkvísl stórkattanna (Panthera) vegna ýmissa sameiginlegra líffærafræðilegra einkenna. Vegna sérstöðu hans hafa aðrir sett hann í ættkvíslina uncia og er hann eina tegundin sem flokkuð er í þessa ættkvísl.

Myndirnar eru fengnar af vefsetrunum Endangered Wildlife og Animals of the Rainforest.

Útgáfudagur

9.9.2002

Spyrjandi

Sigrún Sverrisdóttir

Höfundur

Jón Már Halldórsson

líffræðingur

Tilvísun

Jón Már Halldórsson. „Hver er munurinn á venjulegum hlébarða og snjóhlébarða?“ Vísindavefurinn, 9. september 2002. Sótt 21. febrúar 2019. http://visindavefur.is/svar.php?id=2695.

Jón Már Halldórsson. (2002, 9. september). Hver er munurinn á venjulegum hlébarða og snjóhlébarða? Vísindavefurinn. Sótt af http://visindavefur.is/svar.php?id=2695

Jón Már Halldórsson. „Hver er munurinn á venjulegum hlébarða og snjóhlébarða?“ Vísindavefurinn. 9. sep. 2002. Vefsíða. 21. feb. 2019. <http://visindavefur.is/svar.php?id=2695>.

Chicago | APA | MLA

Sendu inn spurningu
eða

Vísindadagatalið

Guðrún Sævarsdóttir

1971

Guðrún Sævarsdóttir er dósent í verkfræði við Tækni- og verkfræðideild Háskólans í Reykjavík. Hún stundar rannsóknir á þremur fræðasviðum orkumála. Rannsóknirnar hafa allar það markmið að bæta orkunýtingu og minnka orkusóun frá mannlegri starfsemi.