Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvaða hlutverki gegnir undirstúka í heila?



Undirstúka tilheyrir milliheila og liggur undir þeim hluta heilans sem nefnist stúka og yfir þeim hluta hans sem nefndur er heiladingull. Þrátt fyrir litla stærð stjórna kjarnar í undirstúku mörgum nauðsynlegum störfum í líkamanum og tengjast flest þeirra samvægi hans.

Helstu hlutverk undirstúku eru eftirfarandi:
  • Undirstúka stjórnar sjálfvirka taugakerfinu og samhæfir störf þess, en það stjórnar til dæmis hjartsláttartíðni, hreyfingum fæðu gegnum meltingarveg og samdrætti þvagblöðru.
  • Hún stjórnar losun margra hormóna frá heiladingli og er á þann hátt tengiliður milli taugakerfis og innkirtlakerfis sem eru talin helstu stjórnkerfi líkamans.
  • Hún stjórnar líkamshitanum.
  • Hún tengist tilfinningum eins og reiði, árásargirni, sársauka og vellíðan.
  • Hún stjórnar fæðuinntöku þar sem í henni má finna bæði svengdarstöð og mettunarstöð.
  • Í henni finnst þorstastöð sem stjórnar vökvainntöku okkar.
  • Hún er eitt þeirra svæða í heilanum sem viðheldur meðvitund og svefnmynstri.
Heimild:

Gerard J. Tortora (1997): Introduction to the Human Body - The Essentials of Anatomy and Physiology. Menlo Park, California: Benjamin Cummings.

Mynd: Colorado State University

Útgáfudagur

19.9.2002

Spyrjandi

Halldóra Helgadóttir

Efnisorð

Höfundur

Tilvísun

Þuríður Þorbjarnardóttir. „Hvaða hlutverki gegnir undirstúka í heila? “ Vísindavefurinn, 19. september 2002. Sótt 22. nóvember 2017. http://visindavefur.is/svar.php?id=2719.

Þuríður Þorbjarnardóttir. (2002, 19. september). Hvaða hlutverki gegnir undirstúka í heila? Vísindavefurinn. Sótt af http://visindavefur.is/svar.php?id=2719

Þuríður Þorbjarnardóttir. „Hvaða hlutverki gegnir undirstúka í heila? “ Vísindavefurinn. 19. sep. 2002. Vefsíða. 22. nóv. 2017. <http://visindavefur.is/svar.php?id=2719>.

Chicago | APA | MLA

Sendu inn spurningu
eða

Vísindadagatalið

Loftsteinar

Aragrúi grjót- eða málmhnullunga er á sveimi um geiminn. Geimgrýtið kemur m.a. úr smástirnabelti sem er á milli Mars og Júpíters en líka úr halastjörnum. Þegar þessir steinar og ísagnir rekast á lofthjúp jarðar nefnast þeir loftsteinar. Líklega ná um 500 loftsteinar til jarðar á hverjum degi en fæstir þeirra finnast.