Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver eru fimm útbreiddustu tungumálin?

Samkvæmt upplýsingum frá Worldatlas.com eru tíu útbreiddustu tungumálin þessi, sé miðað við fjölda þeirra sem eiga þau að móðurmáli:
  1. Mandarínska (kínverska) 874 milljónir
  2. Hindí 366 milljónir
  3. Enska 341 milljón
  4. Spænska 323 milljónir
  5. Bengalí 207 milljónir
  6. Portúgalska 176 milljónir
  7. Rússneska 167 milljónir
  8. Japanska 125 milljónir
  9. Þýska 100 milljónir
  10. Kóreska 78 milljónir

Litirnir tákna mismunandi tungumál sem eru fyrsta tungumál á þeim svæðum sem litirnir þekja. Ljósari útgáfa af sama lit merkir að tungumálið sem tengist litnum er annað tungumál á því svæði. Smelltu á myndina til að sjá hana stærri.

Þetta er alls ekki eina leiðin til að meta útbreiðslu tungumáls. Til dæmis mætti kalla það útbreiddasta tungumálið sem flestir kunna þótt ekki sé um móðurmál þeirra að ræða. Ekki er þó endilega augljóst hvað telst að “kunna” tungumál. Að öllum líkindum yrði enska þarna í efsta sæti. Svo þarf ekki endilega að miða útbreiðslu við mannfjölda heldur má miða hana við fjölda landa þar sem málið er talað. Enska er opinbert mál í 60 löndum, franska í 29 löndum og spænska í 20 löndum.

Sjá einnig svar Guðrúnar Kvaran við spurningunni Hvaða tungumál er mest talað í heiminum í dag?

Gagnleg vefsetur um tungumál:

Mynd:

Útgáfudagur

29.9.2002

Spyrjandi

Sveinbjörn Finnsson, f. 1989

Höfundur

Eyja Margrét Brynjarsdóttir

heimspekingur

Tilvísun

EMB. „Hver eru fimm útbreiddustu tungumálin?“ Vísindavefurinn, 29. september 2002. Sótt 19. maí 2019. http://visindavefur.is/svar.php?id=2744.

EMB. (2002, 29. september). Hver eru fimm útbreiddustu tungumálin? Vísindavefurinn. Sótt af http://visindavefur.is/svar.php?id=2744

EMB. „Hver eru fimm útbreiddustu tungumálin?“ Vísindavefurinn. 29. sep. 2002. Vefsíða. 19. maí. 2019. <http://visindavefur.is/svar.php?id=2744>.

Chicago | APA | MLA

Sendu inn spurningu
eða

Vísindadagatalið

Jón Atli Benediktsson

1960

Jón Atli Benediktsson, rektor Háskóla Íslands og prófessor í rafmagns- og tölvuverkfræði, hefur helgað sig rannsóknum í fjarkönnun, mynsturgreiningu, vélrænu námi, stafrænni myndvinnslu, gagnabræðslu og lífverkfræði.