Orðin aldurstakmark og aldurslágmark eru notuð á misjafna vegu. Aldurstakmark er það mark sem aldurinn setur, bæði hámark og lágmark. Þegar talað er um aldurslágmark er átt við lægsta aldur, sem til greina kemur í einhverju tilviki, en aldurshámark þann hæsta. Þegar auglýst er að aldurslágmark á dansleik sé við 16 ár má ekki hleypa neinum inn sem er yngri en 16 ára en sé auglýst að aldurshámark sé við 70 ár má ekki hleypa neinum inn sem er yfir sjötugt. Aldurstakmarkið á dansleikinn er á milli 16 ára og sjötugs.
Sumir dansleikir hafa aldurshámark. Þá er oft átt við skóladansleiki þar sem hámark er sett til dæmis við 12 ár eða 16 ár. Aldurstakmarkið er þá 12 eða 16 ár, það er aldurinn takmarkast við ákveðinn árafjölda. Á öðrum dansleikjum er yfirleitt ekki aldurshámark. Þegar dansleikur er auglýstur er betra að nota orðin aldurslágmark og aldurshámark en aldurstakmark. Þá er fyllilega ljóst við hvað er átt. Þegar auglýst er „16 ára aldurstakmark” má hugsa sér að auglýsandinn hafi átt við „aldurstakmark 16 ára og eldri”. Betra hefði verið að auglýsa einfaldlega: „lágmarksaldur 16 ár” eða „aldurslágmark 16 ár” en líklega best: „dansleikur verður haldinn fyrir 16 ára og eldri ...”.
Guðrún Kvaran. „Hvers vegna eru dansleikir auglýstir með aldurstakmarki en ekki aldurslágmarki?“ Vísindavefurinn, 24. október 2002. Sótt 25. apríl 2024. http://visindavefur.is/svar.php?id=2817.
Guðrún Kvaran. (2002, 24. október). Hvers vegna eru dansleikir auglýstir með aldurstakmarki en ekki aldurslágmarki? Vísindavefurinn. Sótt af http://visindavefur.is/svar.php?id=2817
Guðrún Kvaran. „Hvers vegna eru dansleikir auglýstir með aldurstakmarki en ekki aldurslágmarki?“ Vísindavefurinn. 24. okt. 2002. Vefsíða. 25. apr. 2024. <http://visindavefur.is/svar.php?id=2817>.
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 05:19 • sest 21:35
Tunglið
Rís 25:18 • Sest 04:56
Flóð
Árdegis: 07:07 • Síðdegis: 19:24
Fjara
Árdegis: 01:08 • Síðdegis: 13:14
Orðin aldurstakmark og aldurslágmark eru notuð á misjafna vegu. Aldurstakmark er það mark sem aldurinn setur, bæði hámark og lágmark. Þegar talað er um aldurslágmark er átt við lægsta aldur, sem til greina kemur í einhverju tilviki, en aldurshámark þann hæsta. Þegar auglýst er að aldurslágmark á dansleik sé við 16 ár má ekki hleypa neinum inn sem er yngri en 16 ára en sé auglýst að aldurshámark sé við 70 ár má ekki hleypa neinum inn sem er yfir sjötugt. Aldurstakmarkið á dansleikinn er á milli 16 ára og sjötugs.
Sumir dansleikir hafa aldurshámark. Þá er oft átt við skóladansleiki þar sem hámark er sett til dæmis við 12 ár eða 16 ár. Aldurstakmarkið er þá 12 eða 16 ár, það er aldurinn takmarkast við ákveðinn árafjölda. Á öðrum dansleikjum er yfirleitt ekki aldurshámark. Þegar dansleikur er auglýstur er betra að nota orðin aldurslágmark og aldurshámark en aldurstakmark. Þá er fyllilega ljóst við hvað er átt. Þegar auglýst er „16 ára aldurstakmark” má hugsa sér að auglýsandinn hafi átt við „aldurstakmark 16 ára og eldri”. Betra hefði verið að auglýsa einfaldlega: „lágmarksaldur 16 ár” eða „aldurslágmark 16 ár” en líklega best: „dansleikur verður haldinn fyrir 16 ára og eldri ...”.
