Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvernig fjölga fuglar sér?

Æxlun hjá fuglum á sér stað inni í kvenfuglinum líkt og hjá öðrum hryggdýrum. Líffræðingar nefna þetta innvortis æxlun. Æxlunarfæri fugla eru þannig uppbyggð að karlfuglar hafa eitt eistnapar sem liggur inni í kviðarholinu en ekki fyrir utan í pung, eins og hjá spendýrum. Sáðrásir liggja frá eistunum og sameinast í einni rás sem nefnist vas deferens. Sú rás víkkar út í stærri rás sem nefnist cloaca. Cloaca er sameiginleg rás fyrir sæði og úrgangsefni.

Karlfuglar hafa ekki getnaðarlim líkt og spendýr. Nokkrir hópar og ættir, svo sem endur, gæsir og svanir (anseriformes) og ættin Tinamidae, hafa þó líffæri (cracidae) sem gegnir svipuðu hlutverki og getnaðarlimur. Í kvenfuglum eru aðeins vinstra eggjabúið og eggjaleiðararnir virk.

Samfarir fugla fara einfaldlega þannig fram að karlfuglinn kemur sér fyrir uppi á kvenfuglinum, leggur kynop sitt við kynop kvenfuglsins og sæði berst úr karlfuglinum í kvenfuglinn. Samfarirnar taka aðeins örfáar sekúndur hjá langflestum fuglum.



Frjóvgun verður síðan í eggfrumunni og ferli fer á stað sem leiðir til myndunar eggja. Fjöldi eggja er breytilegur milli tegunda og milli einstaklinga hverrar tegundar.

Mynd:

Útgáfudagur

28.11.2002

Spyrjandi

Jón Daði Jónsson, f. 1992

Efnisorð

Höfundur

Jón Már Halldórsson

líffræðingur

Tilvísun

Jón Már Halldórsson. „Hvernig fjölga fuglar sér?“ Vísindavefurinn, 28. nóvember 2002. Sótt 22. nóvember 2017. http://visindavefur.is/svar.php?id=2917.

Jón Már Halldórsson. (2002, 28. nóvember). Hvernig fjölga fuglar sér? Vísindavefurinn. Sótt af http://visindavefur.is/svar.php?id=2917

Jón Már Halldórsson. „Hvernig fjölga fuglar sér?“ Vísindavefurinn. 28. nóv. 2002. Vefsíða. 22. nóv. 2017. <http://visindavefur.is/svar.php?id=2917>.

Chicago | APA | MLA

Sendu inn spurningu
eða

Vísindadagatalið

Loftsteinar

Aragrúi grjót- eða málmhnullunga er á sveimi um geiminn. Geimgrýtið kemur m.a. úr smástirnabelti sem er á milli Mars og Júpíters en líka úr halastjörnum. Þegar þessir steinar og ísagnir rekast á lofthjúp jarðar nefnast þeir loftsteinar. Líklega ná um 500 loftsteinar til jarðar á hverjum degi en fæstir þeirra finnast.