Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver fann upp brauðristina?

Forn-Egyptar fundu upp á brauðgerð fyrir um 6.000 árum og listin að rista brauð breiddist út meðal margra menningarhópa eftir það. Rómverjar borðuðu mikið ristað brauð og innleiddu siðinn meðal þjóða sem þeir lögðu undir sig, þar á meðal á Bretlandi þaðan sem siðurinn fann sér leið til Ameríku. Til voru margskonar tangir og tól til að rista brauð yfir eldi.

Bandaríkin voru fyrst landa að væðast rafmagni seint á 19. öld en þrátt fyrir það kom brauðristin ekki strax fram á sjónarsviðið. Árið 1893 var sett upp sýning á „framtíðareldhúsinu“ í Chicago og margir nýstárlegir hlutir kynntir sem gengu fyrir rafmagni – grill, kaffikanna og fleira, en engin brauðrist. Einhverntímann á árunum milli 1900 og 1920 var rafmagnsbrauðristin svo fundin upp en ekki er vitað hver var fyrstur til þess.

Þrjú fyrirtæki eru talin meðal frumkvöðla á þessu sviði, Pacific Electric Heating Co. (síðar Hotpoint), Simplex Electric Co. og Hoskins Manufacturing. Er það verðugt verkefni sagnfræðinnar að komast að því hvert þeirra framleiddi fyrstu brauðristina. Á þriðja áratug 20. aldar kom loks fram sjálfvirka brauðristin eins og við þekkjum hana í dag, með tímastilli og sleppibúnaði sem skilar brauðinu fullkomlega ristuðu í hvert sinn!

Heimildir og myndir:



Þetta svar er eftir grunnskólanemanda á námskeiði Vísindavefsins sem haldið er í samvinnu við samtökin Heimili og skóla og Fræðslumiðstöð Reykjavíkurborgar vegna bráðgerra barna.

Útgáfudagur

17.12.2002

Spyrjandi

Víðir Einarsson, f. 1988

Höfundur

grunnskólanemi í Brekkubæjarskóla

Tilvísun

Elín Carstensdóttir. „Hver fann upp brauðristina?“ Vísindavefurinn, 17. desember 2002. Sótt 22. september 2017. http://visindavefur.is/svar.php?id=2962.

Elín Carstensdóttir. (2002, 17. desember). Hver fann upp brauðristina? Vísindavefurinn. Sótt af http://visindavefur.is/svar.php?id=2962

Elín Carstensdóttir. „Hver fann upp brauðristina?“ Vísindavefurinn. 17. des. 2002. Vefsíða. 22. sep. 2017. <http://visindavefur.is/svar.php?id=2962>.

Chicago | APA | MLA

Sendu inn spurningu
eða

Vísindadagatalið

Kóran

Múslímar telja að Kóraninn hafi vitrast Múhameð spámanni smám saman á um 20 ára tímabili, frá 609 til 632 að vestrænu tímatali. Helstu fyrirmæli Kóransins eru sameiginleg öllum múslímum, vitnisburðurinn um að aðeins sé til einn guð og Múhameð sé spámaður hans, bænahald fimm sinnum á dag, fastan í Ramadan-mánuðinum, ölmusugjafir, og loks pílagrímsförin til Mekka.