Sólin
Rís 05:40 • sest 21:16
Tunglið
Rís 15:13 • Sest 05:59
Flóð
Árdegis: 03:57 • Síðdegis: 16:31
Fjara
Árdegis: 10:23 • Síðdegis: 22:34
Samkvæmt þekkingu nútímans er eldur ekki sérstakt efni. Mörg og mismunandi efni geta brunnið og eldurinn er jafnmargvíslegur og efnin. Eldurinn er hins vegar eins konar fyrirbæri eða ástand.
Það er hins vegar hægt að frysta efnin sem eru í eldinum á tilteknum tíma. En þá hættir eldurinn augljóslega að vera til og kviknar ekki einu sinni aftur af sjálfu sér ef við þíðum efnin.
Svarið er sem sagt einkum það að ekki er hægt að tala um að frysta eld frekar en að frysta ljóð eða orð.
En kannski á spyrjandi við það hvort hægt sé að slökkva eld með frystingu. Þá er því til að svara að hitastig loftsins í kring getur haft einhver áhrif á eld en ekki mikil. Eftir að eldurinn hefur náð sér á strik getur hann logað glatt þó að kalt sé í lofti. Þetta sjáum við til dæmis á áramótabrennum.
Eldur þarf hins vegar súrefni eða loft til að loga áfram. Ef við tækjum logandi kerti og settum það inn í frystikistu þá mundi fljótlega slokkna á því eftir að við lokum kistunni, vegna þess að kistan er væntanlega sæmilega loftþétt og súrefnið sem var inni í henni í fyrstu er fljótt að eyðast.
Varðandi eld og loga er fróðlegt að kynna sér svör Ágústs Kvarans við eftirtöldum spurningum:Enn fleiri svör koma upp ef smellt er til að mynda á efnisorðin "eldur" og "logi" hér á eftir.
Samkvæmt þekkingu nútímans er eldur ekki sérstakt efni. Mörg og mismunandi efni geta brunnið og eldurinn er jafnmargvíslegur og efnin. Eldurinn er hins vegar eins konar fyrirbæri eða ástand.
Það er hins vegar hægt að frysta efnin sem eru í eldinum á tilteknum tíma. En þá hættir eldurinn augljóslega að vera til og kviknar ekki einu sinni aftur af sjálfu sér ef við þíðum efnin.
Svarið er sem sagt einkum það að ekki er hægt að tala um að frysta eld frekar en að frysta ljóð eða orð.
En kannski á spyrjandi við það hvort hægt sé að slökkva eld með frystingu. Þá er því til að svara að hitastig loftsins í kring getur haft einhver áhrif á eld en ekki mikil. Eftir að eldurinn hefur náð sér á strik getur hann logað glatt þó að kalt sé í lofti. Þetta sjáum við til dæmis á áramótabrennum.
Eldur þarf hins vegar súrefni eða loft til að loga áfram. Ef við tækjum logandi kerti og settum það inn í frystikistu þá mundi fljótlega slokkna á því eftir að við lokum kistunni, vegna þess að kistan er væntanlega sæmilega loftþétt og súrefnið sem var inni í henni í fyrstu er fljótt að eyðast.
Varðandi eld og loga er fróðlegt að kynna sér svör Ágústs Kvarans við eftirtöldum spurningum:Enn fleiri svör koma upp ef smellt er til að mynda á efnisorðin "eldur" og "logi" hér á eftir.
