Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvaða dýr hafa lengstu klærnar?

Að öllum líkindum hafa bjarndýr og letidýr lengstu klær sem þekktar eru meðal núlifandi dýra.

Letidýr af ættkvíslinni Bradypus sem lifa á Amazon-svæðunum, eru með gríðarlega langar klær. Lengdin hefur mælst 8 - 12 cm hjá fullorðnum dýrum. Bjarndýr eru einnig með mjög langar klær eða allt að 7,5 cm. Klær af þeirri lengd finnast til dæmis hjá letibirninum, sem hann notar meðal annars til að krafsa í tré. Letibjörninn finnst í sunnanverðri Asíu.

Stærstu einstaklingar brúnbjarnarins (Ursus arctos) hafa þó lengstar klær meðal bjarndýra, allt að 10 cm langar, svipað og letidýr. Aftur á móti hafa hvítabirnir ekki eins langar klær og brúnbirnir en þær eru mun gildari og sterklegri. Sennileg skýring á því er að þær hafi lagast að því að hvítabirnir ganga á ís eða sambærilegu undirlagi.

Stærstu ránfuglar hafa einnig langar klær en ná ekki umræddri klór lengd letidýra og bjarndýra.

Mynd:

Útgáfudagur

4.2.2003

Spyrjandi

Tinna Ingólfsdóttir, f. 1992

Efnisorð

Höfundur

Jón Már Halldórsson

líffræðingur

Tilvísun

Jón Már Halldórsson. „Hvaða dýr hafa lengstu klærnar?“ Vísindavefurinn, 4. febrúar 2003. Sótt 19. ágúst 2019. http://visindavefur.is/svar.php?id=3098.

Jón Már Halldórsson. (2003, 4. febrúar). Hvaða dýr hafa lengstu klærnar? Vísindavefurinn. Sótt af http://visindavefur.is/svar.php?id=3098

Jón Már Halldórsson. „Hvaða dýr hafa lengstu klærnar?“ Vísindavefurinn. 4. feb. 2003. Vefsíða. 19. ágú. 2019. <http://visindavefur.is/svar.php?id=3098>.

Chicago | APA | MLA

Sendu inn spurningu
eða

Vísindadagatalið

Gísli Kort Kristófersson

1978

Gísli Kort Kristófersson er dósent í hjúkrunarfræði við Háskólann á Akureyri ásamt því að starfa sem sérfræðingur í geðhjúkrun. Hann hefur m.a. rannsakað núvitund, geðheilbrigði fanga og áfengis og vímuefnanotkun íslenskra unglinga.