Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað heitir stærsta pláneta í heimi?

Þessari spurningu getur enginn svarað eins og hún er fram sett. En stærsta plánetan sem við þekkjum vel heitir Júpíter og er langstærsta reikistjarnan í sólkerfi okkar. Menn hafa hins vegar lengi getað gert sér í hugarlund að reikistjörnur væru líka við aðrar sólstjörnur eða fastastjörnur. Á síðasta áratug eða svo hefur tæknin komist á það stig að menn eru farnir að sjá glögg merki um slíkar reikistjörnur við sumar af þeim sólstjörnum sem eru næstar okkur. Fjöldi þessara reikistjarna sem menn hafa greint utan sólkerfisins er núna rúmir þrír tugir, en sú tala hækkar ört.

Þegar leitað er að reikistjörnum utan sólkerfisins eru því meiri líkur á að finna þær sem þær eru stærri og þyngri. Nokkrar af þeim reikistjörnum sem þegar hafa fundist merki um eru taldar þyngri en Júpíter, en þær hafa ekki fengið nöfn. Spurningin um hver þeirra sé þyngst eða stærst er ekki sérlega áhugaverð því að svarið kynni að breytast á morgun með nýjum gögnum.

Útgáfudagur

13.4.2000

Spyrjandi

Sara Rut Ágústsdóttir, f. 1986

Efnisorð

Höfundur

Þorsteinn Vilhjálmsson

prófessor emeritus, ritstjóri Vísindavefsins 2000-2010 og ritstjóri Evrópuvefsins 2011

Tilvísun

Þorsteinn Vilhjálmsson. „Hvað heitir stærsta pláneta í heimi? “ Vísindavefurinn, 13. apríl 2000. Sótt 20. október 2018. http://visindavefur.is/svar.php?id=335.

Þorsteinn Vilhjálmsson. (2000, 13. apríl). Hvað heitir stærsta pláneta í heimi? Vísindavefurinn. Sótt af http://visindavefur.is/svar.php?id=335

Þorsteinn Vilhjálmsson. „Hvað heitir stærsta pláneta í heimi? “ Vísindavefurinn. 13. apr. 2000. Vefsíða. 20. okt. 2018. <http://visindavefur.is/svar.php?id=335>.

Chicago | APA | MLA

Sendu inn spurningu
eða

Vísindadagatalið

Þorsteinn Helgason

1946

Þorsteinn Helgason er dósent emeritus í sagnfræði og sögukennslu við Menntavísindasvið HÍ. Rannsóknir hans hafa beinst að kennslufræði sögu, námsgagnagerð), gagnrýninni hugsun í kennslu, minningafræði og munnlegri sögu. Viðamestu verkefnin hafa fjallað um Tyrkjaránið á Íslandi 1627.