Sólin Sólin Rís 03:26 • sest 23:27 í Reykjavík
Tunglið Tunglið Rís 12:33 • Sest 03:36 í Reykjavík
Flóð Flóð Árdegis: 12:31 • Síðdegis: 24:59 í Reykjavík
Fjaran Fjara Árdegis: 06:16 • Síðdegis: 18:40 í Reykjavík

Hvað éta ánamaðkar?

Jón Már Halldórsson

Til að svara þessari spurningu er nauðsynlegt að átta sig fyrst á líffæragerð ánamaðka (oligochaeta). Kjafturinn á ánamöðkum er staðsettur á framenda dýranna. Í munnholinu (e. buccal cavity) er líffæri sem þjónar svipuðum tilgangi og bragðlaukar okkar. Með þessu líffæri metur ánamaðkurinn hvort fæða sem hann rekst á er ætileg eða ekki.

Þegar hann hefur fundið eitthvað sem honum líkar notar hann kokið til að sjúga upp fæðuögnina. Fæðan berst síðan eftir vélindanu í sarpinn þar sem meltingin hefst. Úr sarpinum fer fæðan eftir göngum í fóarnið sem þjónar svipuðu hlutverki og fóarn í fuglum; það mylur fæðuna. Oft gleypa ánamaðkar sandkorn sem hjálpar þeim að mylja fæðu í fóarninu og kemur í stað tanna sem þá skortir.

En hvað er það sem ánamaðkar éta? Eins og allir vita þá lifa þeir í jarðveginum og þar nærast þeir á rotnandi plöntuleifum og öðrum lífrænum leifum sem eru tiltölulega algengar í frjósömum jarðvegi. Ánamaðkar gegn mikilvægu hlutverki í hringrás náttúrunnar því þeir flýta mjög fyrir niðurbroti lífrænna leifa í jarðveginum.

Höfundur

Jón Már Halldórsson

líffræðingur

Útgáfudagur

12.6.2003

Spyrjandi

Margrét Vignisdóttir, f. 1990

Tilvísun

Jón Már Halldórsson. „Hvað éta ánamaðkar?“ Vísindavefurinn, 12. júní 2003. Sótt 30. maí 2020. http://visindavefur.is/svar.php?id=3495.

Jón Már Halldórsson. (2003, 12. júní). Hvað éta ánamaðkar? Vísindavefurinn. Sótt af http://visindavefur.is/svar.php?id=3495

Jón Már Halldórsson. „Hvað éta ánamaðkar?“ Vísindavefurinn. 12. jún. 2003. Vefsíða. 30. maí. 2020. <http://visindavefur.is/svar.php?id=3495>.

Chicago | APA | MLA

Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvað éta ánamaðkar?
Til að svara þessari spurningu er nauðsynlegt að átta sig fyrst á líffæragerð ánamaðka (oligochaeta). Kjafturinn á ánamöðkum er staðsettur á framenda dýranna. Í munnholinu (e. buccal cavity) er líffæri sem þjónar svipuðum tilgangi og bragðlaukar okkar. Með þessu líffæri metur ánamaðkurinn hvort fæða sem hann rekst á er ætileg eða ekki.

Þegar hann hefur fundið eitthvað sem honum líkar notar hann kokið til að sjúga upp fæðuögnina. Fæðan berst síðan eftir vélindanu í sarpinn þar sem meltingin hefst. Úr sarpinum fer fæðan eftir göngum í fóarnið sem þjónar svipuðu hlutverki og fóarn í fuglum; það mylur fæðuna. Oft gleypa ánamaðkar sandkorn sem hjálpar þeim að mylja fæðu í fóarninu og kemur í stað tanna sem þá skortir.

En hvað er það sem ánamaðkar éta? Eins og allir vita þá lifa þeir í jarðveginum og þar nærast þeir á rotnandi plöntuleifum og öðrum lífrænum leifum sem eru tiltölulega algengar í frjósömum jarðvegi. Ánamaðkar gegn mikilvægu hlutverki í hringrás náttúrunnar því þeir flýta mjög fyrir niðurbroti lífrænna leifa í jarðveginum. ...