Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvers vegna eru sumar appelsínur súrar og hvernig er hægt að sjá það?

Gæði ávaxta, þar á meðal gæði appelsína, fara eftir mörgu og má þar nefna mismunandi trjástofna, ræktunaraðferðir og veðurskilyrði. Mestu skiptir þó hversu þroskaðar appelsínurnar eru þegar þær eru tíndar. Það er aftur háð ýmsum þáttum, svo sem ræktun, stað, veðri og í hvað á að nota þær, til dæmis hvort á að selja þær beint eða gera úr þeim safa.

Meðan appelsínan er að þroskast er magn ávaxtasykurs (frúktósa) að aukast og sýrumagnið að minnka, en sýran veldur súra bragðinu. Hlutfallið milli sykursins og sýrunnar í ávextinum hefur áhrif á bragðið og getur jafnvel ráðið því hvort hægt sé að borða appelsínuna. Um leið og appelsínan er tínd af trénu hættir hún að þroskast og því skiptir uppskerutíminn mestu máli í þessu.

Af útliti appelsínunnar er ekki hægt að sjá hvernig hún mun bragðast en með mælingum á hlutfalli sykurs á móti sýru er hægt að segja til um bragðgæðin.

Til gamans var haft samband við innflytjendur ávaxta vegna þessarar spurningar. Samkvæmt upplýsingum frá starfsmanni Ágætis hf eru appelsínur með brúnar rendur í berkinum frekar sætar.

Útgáfudagur

18.4.2000

Spyrjandi

Sigursteinn Vigfússon

Höfundur

næringarfræðingur og doktorsnemi í lýðheilsuvísindum við HÍ

Tilvísun

Jóhanna Eyrún Torfadóttir. „Hvers vegna eru sumar appelsínur súrar og hvernig er hægt að sjá það?“ Vísindavefurinn, 18. apríl 2000. Sótt 17. júní 2019. http://visindavefur.is/svar.php?id=351.

Jóhanna Eyrún Torfadóttir. (2000, 18. apríl). Hvers vegna eru sumar appelsínur súrar og hvernig er hægt að sjá það? Vísindavefurinn. Sótt af http://visindavefur.is/svar.php?id=351

Jóhanna Eyrún Torfadóttir. „Hvers vegna eru sumar appelsínur súrar og hvernig er hægt að sjá það?“ Vísindavefurinn. 18. apr. 2000. Vefsíða. 17. jún. 2019. <http://visindavefur.is/svar.php?id=351>.

Chicago | APA | MLA

Sendu inn spurningu
eða

Vísindadagatalið

Ása L. Aradóttir

1959

Ása L. Aradóttir er prófessor við Auðlinda- og umhverfisdeild Landbúnaðarháskóla Íslands. Rannsóknir hennar snúa flestar að landgræðslu og þá einkum leiðum til að endurheimta hnignandi og skemmd vistkerfi.