Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvers vegna heita Kleppjárnsreykir í Borgarfjarðarsveit þessu nafni?

Bærinn er vafalítið kenndur við mann að nafni Kleppjárn. Mannsnafnið kemur fyrir í Landnámabók, Kleppjárn Einarsson (Íslenzk fornrit I, 140) og Kleppjárn inn gamli Þórólfsson (Ísl. fornrit I, 57). Auk þess er nefndur Hyrningur Kleppjárnsson (Ísl. fornrit I, 86nm). Kleppjárnsreykir eru ekki nefndir í Landnámabók, en að fornu hét bærinn aðeins Reykir.


Jarðhitinn á Kleppjárnsreykjum gefur staðnum
seinni hluta nafns síns.

Samkvæmt Heiðarvíga sögu bjó maður að nafni Kleppjárn á Reykjum og eru það væntanlega sömu Reykir og nú eru nefndir Kleppjárnsreykir (Ísl. fornrit III, 227 og víðar). Bærinn er nefndur Kleppholtsreykir í máldagaskrá frá því um 1500 (Íslenzkt fornbréfasafn VII, 62). Í fógetareikningum frá 1548-49 er hann nefndur „mett Klepeersröikium“ (Ísl. fornbréfasafn XII, 131) og síðan Kleppjárnsreykir í Fitjaannál 1678 (Annálar II, 247) og í Jarðabók Árna Magnússonar og Páls Vídalíns 1708 (IV, 225).

Mynd:

Útgáfudagur

3.7.2003

Spyrjandi

Helgi Tómasson

Höfundur

Svavar Sigmundsson

fyrrv. forstöðumaður Örnefnastofnunar

Tilvísun

Svavar Sigmundsson. „Hvers vegna heita Kleppjárnsreykir í Borgarfjarðarsveit þessu nafni?“ Vísindavefurinn, 3. júlí 2003. Sótt 10. desember 2018. http://visindavefur.is/svar.php?id=3554.

Svavar Sigmundsson. (2003, 3. júlí). Hvers vegna heita Kleppjárnsreykir í Borgarfjarðarsveit þessu nafni? Vísindavefurinn. Sótt af http://visindavefur.is/svar.php?id=3554

Svavar Sigmundsson. „Hvers vegna heita Kleppjárnsreykir í Borgarfjarðarsveit þessu nafni?“ Vísindavefurinn. 3. júl. 2003. Vefsíða. 10. des. 2018. <http://visindavefur.is/svar.php?id=3554>.

Chicago | APA | MLA

Sendu inn spurningu
eða

Vísindadagatalið

Umferðarljós

Fyrstu umferðarljósin voru sett upp við breska þingið í London 9. desember 1868. Ljósunum var handstýrt af lögreglumanni og í þeim voru gaslampar. Vegna gasleka sprungu þau innan við mánuði eftir uppsetningu. Þar með lauk stuttri sögu þeirra. Rafknúin umferðarljós komu síðan fram á 2. áratug 20. aldar.