Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Af hverju hóstar maður?

Hósti er kröftug skyndileg útöndun til að losa öndunarveginn við slím, vökva eða agnir. Hósti stafar af krampakenndum samdráttum í brjóstholi og fer oftast af stað vegna þess að slím hefur safnast fyrir.

Slímið er myndað af slímkirtlum í yfirborðsþekju öndunarvegarins. Í það festast agnir, til dæmis óhreinindi sem við öndum að okkur. Undir venjulegum kringumstæðum sjá bifhár þekjuvefjarins um að koma slími upp í kokið þar sem því er ýmist kyngt ofan í maga eða spýtt út úr munninum.

Þegar slímmyndun eykst, eins og við sýkingu í öndunarvegi eða ertingu, duga bifhárin stundum ekki og slímið safnast fyrir þar til hósti losar okkur við það. Hósti er einnig vakinn þegar fæðutugga berst óvart ofan í barka í stað vélinda vegna þess að barkalok hefur ekki lagst yfir barkann.

Heimildir og mynd:

Útgáfudagur

15.9.2003

Spyrjandi

Snæbjörn Sigurður Steingrímsson, f. 1990
Rebekka Lynch, f. 1989

Höfundur

Tilvísun

Þuríður Þorbjarnardóttir. „Af hverju hóstar maður?“ Vísindavefurinn, 15. september 2003. Sótt 18. nóvember 2017. http://visindavefur.is/svar.php?id=3730.

Þuríður Þorbjarnardóttir. (2003, 15. september). Af hverju hóstar maður? Vísindavefurinn. Sótt af http://visindavefur.is/svar.php?id=3730

Þuríður Þorbjarnardóttir. „Af hverju hóstar maður?“ Vísindavefurinn. 15. sep. 2003. Vefsíða. 18. nóv. 2017. <http://visindavefur.is/svar.php?id=3730>.

Chicago | APA | MLA

Sendu inn spurningu
eða

Vísindadagatalið

Negull

Negull er krydd úr þurrkuðum blómhnöppum negultrésins. Hann er eitt þekktasta krydd veraldar og fyrr á öldum var hann einokunarvara Portúgala og Hollendinga. Hann er ýmist notaður malaður eða heill. Negull er notaður í bakstri og í ýmsa austurlenska rétti, svo og til að krydda ýmsa kjötrétti. Negull er ilmríkur og sums staðar er hefð að stinga negulnöglum í appelsínu og hengja upp fyrir jólin.