Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Getið þið sagt mér eitthvað um blóðskömm fyrr á öldum, helst sem fyrst?

Spyrjandi bætir síðan við:
Ég þarf að skila ritgerð um blóðskömm eftir rúmlega viku (í dag er 15. október) og er orðin pínulítið stressuð ef ég finn engar heimildir. Með von um að þið getið hjálpað mér.
Við getum því miður ekki lofað því að svar verði komið eftir viku enda berast Vísindavefnum iðulega nokkrir tugir spurninga á dag.

Oft er leitað til okkar til að fá svör við tilteknum spurningum og í leiðinni er spurt hvort við getum bent á frekari heimildir þar sem viðkomandi er að skrifa ritgerð um efnið. Í þeim tilvikum getum við brugðist fljótt við með því að benda á heimildir en það tekur oftast lengri tíma að fá birt svar á vefnum við spurningunni sjálfri.

Við ætlum í framtíðinni að birta stutt svör við þess háttar spurningum þar sem tilvísanirnar geta auðvitað gagnast fleirum en þeim sem spyrja.

Þess vegna bendum við þér Anna, á gagnlega heimild um blóðskömm:
  • Már Jónsson, Blóðskömm á Íslandi 1270-1870, Háskólaútgáfan, Reykjavík 1993.
Þessi bók ætti að vera aðgengileg á bókasafni skólans en ef hún er ekki til getur þú beðið um að fá hana í millisafnaláni. Svo getur þú notað hana sem heimild í ritgerðinni þinni.

Í bókinni er því lýst hvernig og hvers vegna skilgreining á blóðskömm breyttist á Íslandi á tímabilinu sem er til umfjöllunar.

Í tímaritinu Sögu hefur verið birtur ritdómur um bók Más og það gæti verið gagnlegt að lesa hann einnig. Bókfræðiupplýsingar um ritdóminn eru þessar:
  • Sveinbjörn Rafnsson, „Már Jónsson: Blóðskömm á Íslandi 1270-1870“, Saga 1994, bls. 245-256.

Útgáfudagur

16.10.2003

Spyrjandi

Anna Hlíf Árnadóttir, f. 1984

Höfundur

Jón Gunnar Þorsteinsson

bókmenntafræðingur og ritstjóri Vísindavefsins

Tilvísun

JGÞ. „Getið þið sagt mér eitthvað um blóðskömm fyrr á öldum, helst sem fyrst?“ Vísindavefurinn, 16. október 2003. Sótt 18. ágúst 2018. http://visindavefur.is/svar.php?id=3800.

JGÞ. (2003, 16. október). Getið þið sagt mér eitthvað um blóðskömm fyrr á öldum, helst sem fyrst? Vísindavefurinn. Sótt af http://visindavefur.is/svar.php?id=3800

JGÞ. „Getið þið sagt mér eitthvað um blóðskömm fyrr á öldum, helst sem fyrst?“ Vísindavefurinn. 16. okt. 2003. Vefsíða. 18. ágú. 2018. <http://visindavefur.is/svar.php?id=3800>.

Chicago | APA | MLA

Sendu inn spurningu
eða

Vísindadagatalið

Múmíur

Múmíur eru líkamsleifar sem hafa vísvitandi verið verkaðar þannig að þær geti varðveist. Í sumum fornum menningarsamfélögum tíðkaðist að smyrja lík og fjarlægja innyfli til að varðveita líkamann. Múmíur geta líka orðið til fyrir slysni. Ísmaðurinn Ötzi, sem var uppi fyrir um 5.000 árum, er dæmi um það. Í sumum mammútum, sem hafa fundist, hefur hold, hár og magainnihald varðveist.