Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvers vegna tölum við um 21 barn í eintölu en 22 börn í fleirtölu?

Í íslensku er vaninn að láta nafnorð (og sögn) standa í eintölu með tölunni 21, 31, 41 og svo framvegis. Er þá talan einn í samsetta töluorðinu, í þessu dæmi tuttugu og einn, látinn ráða ferðinni, það er tuttugu að viðbættum einum.

Hugsunin er því tuttugu börn og eitt barn sem rennur saman í tuttugu og eitt barn. Í 22, 32, 42 og svo framvegis er síðari liðurinn tveir, það er tuttugu að viðbættum tveimur, og er þá eðlilegt að nafnorðið, sem fylgir, sé í fleirtölu. Í þessu dæmi tuttugu og tvö börn.

Ekki er sami siður í öllum málum. Í þýsku er til dæmis talað um ein und zwanzig Kinder (það er tuttugu og eitt börn), í ensku um twenty one children (það er tuttugu og eitt börn).

Útgáfudagur

18.11.2003

Spyrjandi

Rut Gunnarsdóttir

Höfundur

Guðrún Kvaran

prófessor

Tilvísun

Guðrún Kvaran. „Hvers vegna tölum við um 21 barn í eintölu en 22 börn í fleirtölu?“ Vísindavefurinn, 18. nóvember 2003. Sótt 21. júní 2018. http://visindavefur.is/svar.php?id=3868.

Guðrún Kvaran. (2003, 18. nóvember). Hvers vegna tölum við um 21 barn í eintölu en 22 börn í fleirtölu? Vísindavefurinn. Sótt af http://visindavefur.is/svar.php?id=3868

Guðrún Kvaran. „Hvers vegna tölum við um 21 barn í eintölu en 22 börn í fleirtölu?“ Vísindavefurinn. 18. nóv. 2003. Vefsíða. 21. jún. 2018. <http://visindavefur.is/svar.php?id=3868>.

Chicago | APA | MLA

Sendu inn spurningu
eða

Vísindadagatalið

Irma Erlingdsdóttir

1968

Irma er dósent í frönskum samtímabókmenntum við Hugvísindasvið Háskóla Íslands, forstöðumaður RIKK og verkefnisstjóri EDDU rannsóknaseturs. Rannsóknasvið Irmu eru franskar bókmenntir og heimspeki, menningarfræði, kynjafræði og samtímasaga.