Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hversu mörg % af allri heimsbyggðinni eru í fangelsi?

Samkvæmt lista sem Roy Walmsley ráðgjafi hjá HEUNI (the European Institute for Crime Prevention and Control, stofnun sem tengist Sameinuðu þjóðunum) hefur tekið saman voru tæplega níu milljónir jarðarbúa í fangelsi í október 2002.

Af þeim var um helmingur í þremur löndum:
  • Bandaríkin - 2 milljónir
  • Rússland - 1 milljón
  • Kína - 1.5 milljón
Ef við gefum okkar að jarðarbúar séu um 6 milljarðar voru því um 0,15 prósent þeirra í fangelsi árið 2002.

Fangafjöldi á Íslandi er með því lægsta sem þekkist í heiminum en á fyrrnefndum lista var Ísland með 110 einstaklinga í fangelsi sem er jafngildi þess að 38 hafi verið í fangelsi miðað við 100 þúsund íbúa.

Sambærileg tala var 59 fyrir Danmörku og Noreg, 96 fyrir Þýskaland og 139 fyrir England og Wales þar sem fangafjöldi var hæstur í vestanverðri Evrópu. Efsta sætið á þessum lista eiga hins vegar Bandaríkin með 686 í fangelsi miðað við 100 þúsund íbúa.

Mynd: USA Today

Útgáfudagur

22.12.2003

Spyrjandi

Leifur Eyjólfsson, f. 1987

Höfundur

prófessor í félagsfræði við HÍ

Tilvísun

Helgi Gunnlaugsson. „Hversu mörg % af allri heimsbyggðinni eru í fangelsi? “ Vísindavefurinn, 22. desember 2003. Sótt 26. júlí 2017. http://visindavefur.is/svar.php?id=3928.

Helgi Gunnlaugsson. (2003, 22. desember). Hversu mörg % af allri heimsbyggðinni eru í fangelsi? Vísindavefurinn. Sótt af http://visindavefur.is/svar.php?id=3928

Helgi Gunnlaugsson. „Hversu mörg % af allri heimsbyggðinni eru í fangelsi? “ Vísindavefurinn. 22. des. 2003. Vefsíða. 26. júl. 2017. <http://visindavefur.is/svar.php?id=3928>.

Chicago | APA | MLA

Sendu inn spurningu
eða

Vísindadagatalið

Skakki turninn í Písa

Skakki turninn í borginni Písa á Ítalíu er 7 hæða hár klukkuturn sem er frægur fyrir að hallast ískyggilega. Byrjað var á smíði turnsins árið 1173 en henni lauk ekki fyrr en tæpum 200 árum seinna. Turninn hallast vegna þess grunnur hans nær aðeins 3 metra niður í jörðina og jarðvegurinn undir turninum gefur eftir. Á árunum 1990–2001 var dregið lítillega úr halla turnsins og hreyfing hans stöðvuð.