Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað er misseri?

Orðið misseri merkir einfaldlega hálft ár eða sex mánuðir en er stundum notað um skemmri tímabil sem markast af árstíðunum. Kennsluári í háskóla er til dæmis skipt í tvö misseri, haustmisseri og vormisseri.

Víða erlendis skiptist háskólaárið í tvö semester. Það orð er dregið af latneska orðinu 'semestris' sem er samsett úr 'sex' og 'mensis' sem merkir mánuður. Orðið 'semester' þýðir þess vegna sex mánuðir eins og íslenska orðið misseri.

Gamla íslenska tímatalið nefndist misseristal og þar var áhersla lögð á misserin tvö, sumar og vetur og einnig vikur í stað mánaða. Hægt er að lesa meira um misseristalið í Almanaksskýringum Þorsteins Sæmundssonar.

Önnur samsett orð sem hefjast á 'misseri' eru misseravindur sem er árstíðabundinn vindur og misserisrit sem eru rit sem koma út einu sinni á misseri.

Útgáfudagur

30.12.2004

Spyrjandi

Klara Hinriksdóttir

Höfundur

Jón Gunnar Þorsteinsson

bókmenntafræðingur og ritstjóri Vísindavefsins

Tilvísun

JGÞ. „Hvað er misseri?“ Vísindavefurinn, 30. desember 2004. Sótt 17. desember 2018. http://visindavefur.is/svar.php?id=3934.

JGÞ. (2004, 30. desember). Hvað er misseri? Vísindavefurinn. Sótt af http://visindavefur.is/svar.php?id=3934

JGÞ. „Hvað er misseri?“ Vísindavefurinn. 30. des. 2004. Vefsíða. 17. des. 2018. <http://visindavefur.is/svar.php?id=3934>.

Chicago | APA | MLA

Sendu inn spurningu
eða

Vísindadagatalið

Guðmundur G. Haraldsson

1953

Guðmundur G. Haraldsson er prófessor í lífrænni efnafræði á Verkfræði- og náttúruvísindasviði HÍ. Í upphafi beindust rannsóknir hans að því að útbúa þríasylglýseról (ÞAG) með sem hæstu hlutfalli ómega-3 fjölómettaðra fitusýra.