Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Eru til sérstök nöfn á nóttum?

Nóttum hafa ekki verið gefin nein sérstök nöfn í íslensku. Talað er um sunnudagsnótt, mánudagsnótt, þriðjudagsnótt, o.s.frv. og er þá átt við aðfaranótt næsta dags. Sunnudagsnótt er þannig aðfaranótt mánudags.



Málverkið Stjörnubjört nótt sem Vincent van Gogh málaði í júní 1889.

Í öllum germönskum málum eiga dagarnir sín heiti en ekki næturnar og ekki er málvenjan alls staðar eins þegar ákvarðað er hvenær nótt endar og dagur hefst. Við segjum til dæmis „klukkan tvö um nóttina“ en Þjóðverjar: „zwei Uhr morgens“ (það er klukkan tvö um morguninn). Hjá þeim hefst morgunn um miðnætti.

Athugull lesandi benti okkur á að við tölum um Jónsmessunótt og við það má einnig bæta orðinu Jólanótt.

Mynd: Vincent van Gogh

Útgáfudagur

22.1.2004

Spyrjandi

Dóróthea Lárusdóttir

Efnisorð

Höfundur

Guðrún Kvaran

prófessor

Tilvísun

Guðrún Kvaran. „Eru til sérstök nöfn á nóttum?“ Vísindavefurinn, 22. janúar 2004. Sótt 13. nóvember 2019. http://visindavefur.is/svar.php?id=3964.

Guðrún Kvaran. (2004, 22. janúar). Eru til sérstök nöfn á nóttum? Vísindavefurinn. Sótt af http://visindavefur.is/svar.php?id=3964

Guðrún Kvaran. „Eru til sérstök nöfn á nóttum?“ Vísindavefurinn. 22. jan. 2004. Vefsíða. 13. nóv. 2019. <http://visindavefur.is/svar.php?id=3964>.

Chicago | APA | MLA

Sendu inn spurningu
eða

Vísindadagatalið

Viðar Guðmundsson

1955

Viðar Guðmundsson er prófessor í eðlisfræði við HÍ. Rannsóknir Viðars hafa snúist um líkanagerð af ýmsum eiginleikum rafeindakerfa í skertum víddum í manngerðum hálfleiðurum.