Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hvaða ár voru Nóbelsverðlaunin fyrst afhent og hver fékk þau fyrst?

Svíinn Alfred Nobel, sem fann meðal annars upp dýnamitið, stofnaði til Nóbelsverðlaunanna í erfðaskrá sinni. Þau voru fyrst afhent árið 1901 í fjórum greinum, eðlisfræði, efnafræði, læknisfræði og bókmenntum. Sænska akademían úthlutar þeim. Einnig hafa frá upphafi verið veitt friðarverðlaun samkvæmt ákvörðun norska Stórþingsins. Frá 1969 hafa einnig verið veitt Nóbelsverðlaun í hagfræði.

Árið 1901 fengu þessir verðlaunin:

Eðlisfræði: Wilhelm Conrad Röntgen, Þýskalandi, fyrir uppgötvun röntgengeislunar.

Efnafræði: Jacobus Henricus van't Hoff, Hollandi, fyrir rannsóknir á flæðiþrýstingi og eiginleikum lausna.

Læknisfræði: Emil von Behring, Þýskalandi, frumkvöðull í ónæmisfræði.

Bókmenntir: Sully-Prudhomme, Frakklandi, fyrir ljóð sín.

Friðarverðlaun: Henri Dunant, Sviss, stofnandi Rauða krossins og Frederic Passy, Frakklandi, fyrir störf að friðarmálum.

Fyrstu hagfræðiverðlaunin árið 1969 fengu Ragnar Frisch, Noregi, og Jan Tinbergen, Hollandi, fyrir þróun hagfræðilíkana.

Á vefsetri Nóbelssjóðsins eru ýmsar upplýsingar um Nóbelsverðlaunin og verðlaunahafa eftir greinum og árum.

Sendu inn spurningu

Hvaða ár voru Nóbelsverðlaunin fyrst afhent og hver fékk þau fyrst?

Útgáfudagur

Spyrjandi

Efnisorð

Höfundur

Tilvísun

Vísindadagatalið

Kolbrún Þ. Pálsdóttir

Nýleg svör