Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver er tíðni og nýgengi hinna ýmsu krabbameinstegunda?

Árlega greinast um 1.100 einstaklingar með krabbamein á Íslandi eins og lesa má um í öðru svari sama höfundar.

Krabbamein í blöðruhálskirtli er algengast meðal karla og krabbamein í brjóstum er algengast hjá konum. Lungnakrabbamein er með næst hæst nýgengi hjá báðum kynjum og í þriðja sæti er krabbamein í ristli. Þegar krabbameinsskráning hófst á landinu árið 1954 var krabbamein í maga í efsta sæti hjá körlum en er nú komið niður í 6. sæti.

Lífshorfur eru mismunandi fyrir hin ýmsu mein og margir einstaklingar læknast eins og lesa má um í svari Helgu Ögmundsdóttur við spurningunni Er allt krabbamein lífshættulegt?

Í árslok 2004 voru um 9.000 einstaklingar á lífi sem höfðu einhvern tímann fengið krabbameinsgreiningu. Þar af höfðu yfir 33% karla greinst með mein í blöðruhálskirtli og yfir 35% kvenna greinst með mein í brjósti, en batahorfur eru góðar hjá þeim sem greinast með þessar tegundir krabbameina. Hins vegar voru einstaklingar sem höfðu greinst með lungnakrabbamein aðeins um 3% þeirra sem voru enn á lífi því horfurnar eru slæmar fyrir þetta tíðasta reykingartengda mein.

Nánari upplýsingar um nýgengi og algengi hinna ýmsu krabbameina er að finna í ársskýrslu Krabbameinsfélags Íslands á heimasíðu félagsins www.krabb.is.

Mynd: YourMedicalSource

Útgáfudagur

24.2.2004

Spyrjandi

Guðrún Tómasdóttir

Höfundur

Laufey Tryggvadóttir

faraldsfræðingur, framkvæmdastjóri Krabbameinsskrár Krabbameinsfélags Íslands

Tilvísun

Laufey Tryggvadóttir. „Hver er tíðni og nýgengi hinna ýmsu krabbameinstegunda?“ Vísindavefurinn, 24. febrúar 2004. Sótt 21. október 2018. http://visindavefur.is/svar.php?id=4015.

Laufey Tryggvadóttir. (2004, 24. febrúar). Hver er tíðni og nýgengi hinna ýmsu krabbameinstegunda? Vísindavefurinn. Sótt af http://visindavefur.is/svar.php?id=4015

Laufey Tryggvadóttir. „Hver er tíðni og nýgengi hinna ýmsu krabbameinstegunda?“ Vísindavefurinn. 24. feb. 2004. Vefsíða. 21. okt. 2018. <http://visindavefur.is/svar.php?id=4015>.

Chicago | APA | MLA

Sendu inn spurningu
eða

Vísindadagatalið

Helga Zoega

1976

Helga Zoega er prófessor í lýðheilsuvísindum við Læknadeild HÍ. Rannsóknir Helgu eru á sviði lyfjafaraldsfræði og beinast einkum að lyfjanotkun meðal barnshafandi kvenna og barna – hópum sem lyf eru sjaldnast prófuð á áður en þau koma á markað.