Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Af hverju gerði Guð fleiri plánetur en sólina, jörðina og tunglið?

Ef við trúum því að Guð hafi skapað alla hluti, hvern um sig og í þeirri mynd sem þeir eru núna, þá hefur hann bara gert það þannig og við getum ekki spurt nánar út í það.

Hins vegar er vel hægt að trúa á Guð án þess að gera ráð fyrir að hann hafi skapað hvern hlut sérstaklega. Hann hafi þá kannski bara sett heiminn í gang svipað og þegar menn smíða klukku og láta hana síðan fara að ganga. Skýringar okkar á fyrirbærunum kringum okkur verða svipaðar með þessu móti og hjá þeim sem trúa ekki á Guð, það er að segja skýringar vísindanna.

Samkvæmt hugmyndum okkar um sólkerfið hefur það orðið til úr risastóru skýi úr gasi og ryki. Í upphaflega skýinu var talsverður snúningur um miðju þess, svipað og í lægðunum í lofthjúpi jarðar sem við sjáum í veðurfréttunum á hverju kvöldi. Svona snúningur varðveitist þegar skýið þéttist og sólin og reikistjörnurnar myndast. Reikistjörnurnar eða pláneturnar gegna einmitt lykilhlutverki í þessari varðveislu snúningsins.

Þannig má segja að reikistjörnurnar séu svona margar af því að það var snúningur í skýinu sem sólkerfið varð til úr.

Útgáfudagur

24.3.2004

Spyrjandi

Kjartan Kárason, f. 1994

Höfundur

Þorsteinn Vilhjálmsson

prófessor emeritus, ritstjóri Vísindavefsins 2000-2010 og ritstjóri Evrópuvefsins 2011

Tilvísun

ÞV. „Af hverju gerði Guð fleiri plánetur en sólina, jörðina og tunglið?“ Vísindavefurinn, 24. mars 2004. Sótt 23. júní 2018. http://visindavefur.is/svar.php?id=4088.

ÞV. (2004, 24. mars). Af hverju gerði Guð fleiri plánetur en sólina, jörðina og tunglið? Vísindavefurinn. Sótt af http://visindavefur.is/svar.php?id=4088

ÞV. „Af hverju gerði Guð fleiri plánetur en sólina, jörðina og tunglið?“ Vísindavefurinn. 24. mar. 2004. Vefsíða. 23. jún. 2018. <http://visindavefur.is/svar.php?id=4088>.

Chicago | APA | MLA

Sendu inn spurningu
eða

Vísindadagatalið

Kolbrún Þ. Pálsdóttir

1971

Kolbrún Þ. Pálsdóttir er dósent í tómstunda- og félagsmálafræði. Rannsóknir hennar hafa einkum beinst að tengslum formlegs og óformlegs náms, hlutverki frístundaheimila og samstarfi innan menntakerfa.