Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað þýða nöfnin Karen Ýr, Árný Yrsa og Finnur?

Nafnið Karen er talið vera dregið af nafninu Katarina eins og nafnið Katrín. Það var snemma tengt við grískt orð sem merkir 'hreinn'.

Nafnið Ýr er skylt nafnorðinu úr sem merkir 'úruxi'.

Nafnið Árný er samsett úr Ár- sem tengist nafnorðinu ár í merkingunni 'góðæri, ársæld' og -ný sem er kvenkyn lýsingarorðsins nýr.

Nafnorðið yrsa merkir 'fála, óhemja; stygg ær.' Það er sennilega skylt kvenmannsnafninu Ýr.

Karlmannsnafnið Finnur er sama orð og nafnorðið finnur sem merkir maður af þjóðflokki sem byggir nyrstu héruð Norges og Svíþjóðar, Sami, Lappi; dvergsheiti; galdramaður'. Orðið kemur fyrir í fornum grískum og latneskum heimildum en nánari uppruni þess er óviss. Það gæti þó þýtt 'fjallabúi'.

Heimild:

Guðrún Kvaran og Sigurður Jónsson, 1991. Nöfn Íslendinga. Reykjavík: Heimskringla. - Þeir sem vilja fræðast um nöfn, uppruna þeirra og merkingu ættu að fletta upp í þessari bók.

Útgáfudagur

13.5.2000

Spyrjandi

Árný Yrsa og Karen Ýr, f. 1987

Höfundur

Þorsteinn Vilhjálmsson

prófessor emeritus, ritstjóri Vísindavefsins 2000-2010 og ritstjóri Evrópuvefsins 2011

Tilvísun

ÞV. „Hvað þýða nöfnin Karen Ýr, Árný Yrsa og Finnur?“ Vísindavefurinn, 13. maí 2000. Sótt 14. desember 2018. http://visindavefur.is/svar.php?id=425.

ÞV. (2000, 13. maí). Hvað þýða nöfnin Karen Ýr, Árný Yrsa og Finnur? Vísindavefurinn. Sótt af http://visindavefur.is/svar.php?id=425

ÞV. „Hvað þýða nöfnin Karen Ýr, Árný Yrsa og Finnur?“ Vísindavefurinn. 13. maí. 2000. Vefsíða. 14. des. 2018. <http://visindavefur.is/svar.php?id=425>.

Chicago | APA | MLA

Sendu inn spurningu
eða

Vísindadagatalið

Ólöf Guðný Geirsdóttir

1968

Ólöf Guðný Geirsdóttir er dósent í næringarfræði við Matvæla- og næringarfræðideild HÍ. Meginviðfangsefni hennar eru næringarástand aldraðra ásamt rannsóknum á áhrifum næringar á farsæla öldrun.