Sólin Sólin Rís 06:57 • sest 19:45 í Reykjavík
Tunglið Tunglið Rís 19:50 • Sest 05:22 í Reykjavík
Flóð Flóð Árdegis: 05:40 • Síðdegis: 17:56 í Reykjavík
Fjaran Fjara Árdegis: 11:49 • Síðdegis: 24:15 í Reykjavík
Sólin Sólin Rís 06:57 • sest 19:45 í Reykjavík
Tunglið Tunglið Rís 19:50 • Sest 05:22 í Reykjavík
Flóð Flóð Árdegis: 05:40 • Síðdegis: 17:56 í Reykjavík
Fjaran Fjara Árdegis: 11:49 • Síðdegis: 24:15 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Hugvísindi Málvísindi: íslensk Felst neikvæð merking í því „að eitthvað sé yfirvofandi“?

Flokkun:

14.6.2004
Hugvísindi Málvísindi: íslensk

Felst neikvæð merking í því „að eitthvað sé yfirvofandi“?

Guðrún Kvaran

Árnastofnun - mynd í *Árnarstofnun
Spyrjandi bætir við í þessu sambandi að talað sé um að ferming, fæðing og sumartíð séu yfirvofandi.

Sögnin að vofa merkir 'svífa, sveifla, hanga yfir, ógna' og er náskyld nafnorðinu vofa 'andi framliðins manns, draugur'.

Sagnarsambandið að vofa yfir er notað í merkingunni 'svífa yfir, vera í vændum, ógna' og er notað um eitthvað illt. Sama gildir um lýsingarháttinn yfirvofandi. Þess vegna er ekki rétt að nota sagnarsambandið eða lýsingarháttinn um eitthvað sem er jákvætt, eins og fermingu, skírn, fæðingu eða annað hliðstætt.


Aftur á móti er hægt að nota sagnarsambandið vofa yfir og lýsingarháttinn yfirvofandi um stríð, eldgos, verkföll og annað í þá veru. Þannig er hægt að segja: „Ljóst er að verkföll eru yfirvofandi verði ekki samið“ eða „Ljóst er að verkföll vofa yfir verði ekki samið.“

Höfundur

Guðrún Kvaran

Guðrún Kvaran

prófessor

Útgáfudagur

14.6.2004

Spyrjandi

Sif Ragnhildardóttir

Efnisorð

Tilvísun

Guðrún Kvaran. „Felst neikvæð merking í því „að eitthvað sé yfirvofandi“?“ Vísindavefurinn, 14. júní 2004, sótt 17. september 2024, https://visindavefur.is/svar.php?id=4348.

Guðrún Kvaran. (2004, 14. júní). Felst neikvæð merking í því „að eitthvað sé yfirvofandi“? Vísindavefurinn. https://visindavefur.is/svar.php?id=4348

Guðrún Kvaran. „Felst neikvæð merking í því „að eitthvað sé yfirvofandi“?“ Vísindavefurinn. 14. jún. 2004. Vefsíða. 17. sep. 2024. <https://visindavefur.is/svar.php?id=4348>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Felst neikvæð merking í því „að eitthvað sé yfirvofandi“?
Spyrjandi bætir við í þessu sambandi að talað sé um að ferming, fæðing og sumartíð séu yfirvofandi.

Sögnin að vofa merkir 'svífa, sveifla, hanga yfir, ógna' og er náskyld nafnorðinu vofa 'andi framliðins manns, draugur'.

Sagnarsambandið að vofa yfir er notað í merkingunni 'svífa yfir, vera í vændum, ógna' og er notað um eitthvað illt. Sama gildir um lýsingarháttinn yfirvofandi. Þess vegna er ekki rétt að nota sagnarsambandið eða lýsingarháttinn um eitthvað sem er jákvætt, eins og fermingu, skírn, fæðingu eða annað hliðstætt.


Aftur á móti er hægt að nota sagnarsambandið vofa yfir og lýsingarháttinn yfirvofandi um stríð, eldgos, verkföll og annað í þá veru. Þannig er hægt að segja: „Ljóst er að verkföll eru yfirvofandi verði ekki samið“ eða „Ljóst er að verkföll vofa yfir verði ekki samið.“

...