Eru dekkri viðartegundir í heitum löndum og ljósari í kaldari löndum? Eða er reglan „dökkur jarðvegur = dökkur viður“?
Litur viðar er hvorki háður veðurfari né jarðvegi. Það vill svo til að flestar trjátegundir í barrskógabeltinu (köldu löndunum) eru með frekar ljósan við en á því eru þó nokkrar undantekningar. Kjarnviðurinn í lerki getur verið býsna dökkur og viður gullregns, sem er algengt garðtré hér á landi, er súkkulaðibrúnn. Þær trjátegundir úr hitabeltinu sem við þekkjum einna best, svo sem tekk og mahoní, eru með dökkan við, en þar eru einnig margar tegundir með ljósan við.
Lerki er dæmi um trjátegund sem vex á norðurslóðum en getur haft dökkan kjarnvið.
Litur viðar ræðst einkum af litarefnum sem trén mynda sjálf og geyma síðan í viðnum. Oft eru þetta efni sem verja viðinn gegn fúa og er dökkur viður því oft betur fúavarinn frá náttúrunnar hendi en ljós viður. Það er þó alls ekki algild regla.
Mynd: Heimasíða Markku Savela - ljósmynd Oleg Kosterin.
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 05:43 • sest 21:13
Tunglið
Rís 13:37 • Sest 06:11
Flóð
Árdegis: 02:59 • Síðdegis: 15:47
Fjara
Árdegis: 09:39 • Síðdegis: 21:50
