Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvað merkir orðið hamingja bókstaflega? Er það sett saman úr orðunum hamur og ungur?

Orðið hamingja merkir ‘gæfa, heill, gifta’ og í elsta máli einnig ‘heilladís, verndarvættur’. Það er sett saman úr orðunum hamur sem merkir ‘skinn, húð, gervi’ en einnig í eldra máli ‘fylgja, verndarandi’ og viðliðnum –ingja sem kominn er úr *(g)engja af sögninni að ganga, eiginlega ‘vættur sem gengur inn í ham eða gervi’.


Fylgja með naflastreng. Ásgeir Blöndal Magnússon getur sér til þess að hamingjan hafi upphaflega verið heillavætti í fósturhimnu sem fylgir einhverjum frá fæðingu.

Ásgeir Blöndal Magnússon getur sér þess til í Íslenskri orðsifjabók (1989:303) að hamur merki í þessari samsetningu ‘fósturhimna, fylgja’ og vísar þar til ham í dönsku og sænskum mállýskum í sömu merkingu. Hamingjan hafi þá upphaflega verið heillavætti (í fósturhimnu) sem fylgir einhverjum frá fæðingu.

Mynd:

Útgáfudagur

4.9.2008

Spyrjandi

Hlífar Stefánsson, f. 1989

Höfundur

Guðrún Kvaran

prófessor

Tilvísun

Guðrún Kvaran. „Hvað merkir orðið hamingja bókstaflega? Er það sett saman úr orðunum hamur og ungur?“ Vísindavefurinn, 4. september 2008. Sótt 22. mars 2019. http://visindavefur.is/svar.php?id=48533.

Guðrún Kvaran. (2008, 4. september). Hvað merkir orðið hamingja bókstaflega? Er það sett saman úr orðunum hamur og ungur? Vísindavefurinn. Sótt af http://visindavefur.is/svar.php?id=48533

Guðrún Kvaran. „Hvað merkir orðið hamingja bókstaflega? Er það sett saman úr orðunum hamur og ungur?“ Vísindavefurinn. 4. sep. 2008. Vefsíða. 22. mar. 2019. <http://visindavefur.is/svar.php?id=48533>.

Chicago | APA | MLA

Sendu inn spurningu
eða

Vísindadagatalið

Guðmundur J. Óskarsson

1969

Guðmundur J. Óskarsson er fiskifræðingur á uppsjávarslífríkissviði Hafrannsóknastofnunar. Rannsóknir og starfssvið hans lúta að uppsjávarfiskum og þá einkum síld.