Senda inn spurningu
Sólin Sólin Rís 05:40 • sest 21:16 í Reykjavík
Tunglið Tunglið Rís 15:13 • Sest 05:59 í Reykjavík
Flóð Flóð Árdegis: 03:57 • Síðdegis: 16:31 í Reykjavík
Fjaran Fjara Árdegis: 10:23 • Síðdegis: 22:34 í Reykjavík
Visit the English version

Flokkun:

Náttúruvísindi og verkfræði Lífvísindi: dýrafræði

Eru einhverjar eitraðar snáka- og froskategundir í Danmörku?

Jón Már Halldórsson

Skriðdýr eru ekki algeng í Danmörku. Ein tegund snáka sem þar lifir telst vera það eitruð að hún sé mönnum hættuleg. Það er höggormur (Vipera berus) sem reyndar er útbreiddasta snákategundin. Höggormar finnast um alla Skandinavíu, suður til Evrópu, meðal annars er hann tiltölulega algengur í Frakklandi og á Ítalíu. Höggormar eru einnig víða í Austur-Evrópu og Rússlandi, þeir finnast allt austur til Kyrrahafs, lifa í norðurhluta Kína, á Kóreuskaga og líka á Kyrrahafseyjunni Sakhalin sem tilheyrir Rússlandi.


Höggormur er útbreiddasta snákategundin.

Höggormar eru gildvaxnir og að meðaltali um 50 cm á lengd. Í Evrópu eru stærstu höggormarnir í Svíþjóð. Þeir ná allt að 90 cm lengd. Í Danmörku lifa höggormar aðallega í grýttu landi, á heiðum, ræktarlandi og svæðum þar sem skógur hefur verið ruddur.

Engin skráð dauðsföll eru vegna bita höggormsins í Danmörku, svo best sé vitað, enda telst eitrið ekki banvænt heilbrigðu fólki þó þau geti verið afar sársaukafull. Í Svíþjóð eru að meðaltali skráð um 1.200 bit af völdum höggorma, auk þess sem húsdýr og gæludýr verða oft fyrir bitum. Virkni eitursins er tiltölulega lítil miðað við flestar aðrar tegundir höggormaættkvíslar (Viper sp.).

Í Danmörku og Skandinavíu étur höggormurinn aðallega smá spendýr svo sem moldvörpur og mýs auk þess sem hann tekur einnig ánamaðka og aðra smáa landhryggleysingja sem verða á vegi hans.

Engar eitraðar froskategundur lifa í Danmörku.

Mynd:

Höfundur

Jón Már Halldórsson

Jón Már Halldórsson

líffræðingur

Útgáfudagur

15.10.2008

Spyrjandi

Helga Guðrún Pálsdóttir

Efnisorð

Tilvísun

Jón Már Halldórsson. „Eru einhverjar eitraðar snáka- og froskategundir í Danmörku?“ Vísindavefurinn, 15. október 2008. Sótt 19. apríl 2024. http://visindavefur.is/svar.php?id=49020.

Jón Már Halldórsson. (2008, 15. október). Eru einhverjar eitraðar snáka- og froskategundir í Danmörku? Vísindavefurinn. Sótt af http://visindavefur.is/svar.php?id=49020

Jón Már Halldórsson. „Eru einhverjar eitraðar snáka- og froskategundir í Danmörku?“ Vísindavefurinn. 15. okt. 2008. Vefsíða. 19. apr. 2024. <http://visindavefur.is/svar.php?id=49020>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Eru einhverjar eitraðar snáka- og froskategundir í Danmörku?
Skriðdýr eru ekki algeng í Danmörku. Ein tegund snáka sem þar lifir telst vera það eitruð að hún sé mönnum hættuleg. Það er höggormur (Vipera berus) sem reyndar er útbreiddasta snákategundin. Höggormar finnast um alla Skandinavíu, suður til Evrópu, meðal annars er hann tiltölulega algengur í Frakklandi og á Ítalíu. Höggormar eru einnig víða í Austur-Evrópu og Rússlandi, þeir finnast allt austur til Kyrrahafs, lifa í norðurhluta Kína, á Kóreuskaga og líka á Kyrrahafseyjunni Sakhalin sem tilheyrir Rússlandi.


Höggormur er útbreiddasta snákategundin.

Höggormar eru gildvaxnir og að meðaltali um 50 cm á lengd. Í Evrópu eru stærstu höggormarnir í Svíþjóð. Þeir ná allt að 90 cm lengd. Í Danmörku lifa höggormar aðallega í grýttu landi, á heiðum, ræktarlandi og svæðum þar sem skógur hefur verið ruddur.

Engin skráð dauðsföll eru vegna bita höggormsins í Danmörku, svo best sé vitað, enda telst eitrið ekki banvænt heilbrigðu fólki þó þau geti verið afar sársaukafull. Í Svíþjóð eru að meðaltali skráð um 1.200 bit af völdum höggorma, auk þess sem húsdýr og gæludýr verða oft fyrir bitum. Virkni eitursins er tiltölulega lítil miðað við flestar aðrar tegundir höggormaættkvíslar (Viper sp.).

Í Danmörku og Skandinavíu étur höggormurinn aðallega smá spendýr svo sem moldvörpur og mýs auk þess sem hann tekur einnig ánamaðka og aðra smáa landhryggleysingja sem verða á vegi hans.

Engar eitraðar froskategundur lifa í Danmörku.

Mynd:...