Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Ef sólkerfið væri bein lína hvað væri það þá langt?

Athugasemd ritstjórnar: Þegar þetta svar var upphaflega skrifað var Plútó flokkaður sem ein af reikistjörnum sólkerfisins. 24. ágúst árið 2006 samþykkti Alþjóðasamband stjarnfræðinga aftur á móti nýja skilgreiningu á reikistjörnum. Plútó fellur ekki undir hana og telst nú til dvergreikistjarna. Reikistjörnurnar eru því átta talsins: Merkúríus, Venus, jörðin, Mars, Júpíter, Satúrnus, Úranus og Neptúnus. Þess ber þó að geta að Plútó sjálfur hefur auðvitað ekkert breyst við þetta.


Í stjörnufræði eru allar stærðir gífurlegar og erfitt að skilja. Jafnvel heimili okkar í geimnum, sólkerfið, er svo stórt að ekki nokkur leið er að skilja það, samt eru það litlar fjarlægðir sé miðað við Vetrarbrautina sem við búum í. Fjarlægðir milli reikistjarnanna mælast í hundruð milljónum eða milljörðum kílómetra. Milli jarðar og sólar er fjarlægðin tæplega 150 milljón km á meðan fjarlægðin frá sólinni að ystu reikistjörnu sólkerfisins er 5,9 milljarðar km. Ferðalag til Plútó á venjulegri farþegaþotu tæki um 675 ár en ef við vildum keyra þangað tæki það 5700 ár. Plútó er ekki beint heppilegur sumarleyfisstaður.

Í sólkerfinu okkar eru enn fjarlægari hnettir. Við braut Plútós og miklu utar eru risavaxin halastjörnuský sem kallast Kuipersbeltið og Oortskýið. Oortskýið er líklega 50-100.000 sinnum fjær sólinni en jörðin. Nálægsta fastastjarnan við sólin, Proxima Centauri, er í 4,2 ljósára fjarlægð eða 272.061 sinnum fjær sólinni en jörðin. Það þýðir að sólkerfið okkar teygir sig langleiðina að næstu fastastjörnu.

Við bendum lesendum ennfremur á eftirfarandi svör um stærðarhlutföll í alheiminum:

Útgáfudagur

25.4.2005

Spyrjandi

Hildur Guðmundsdóttir

Höfundur

Sævar Helgi Bragason

nemi í stjarneðlisfræði

Tilvísun

SHB. „Ef sólkerfið væri bein lína hvað væri það þá langt?“ Vísindavefurinn, 25. apríl 2005. Sótt 14. desember 2018. http://visindavefur.is/svar.php?id=4939.

SHB. (2005, 25. apríl). Ef sólkerfið væri bein lína hvað væri það þá langt? Vísindavefurinn. Sótt af http://visindavefur.is/svar.php?id=4939

SHB. „Ef sólkerfið væri bein lína hvað væri það þá langt?“ Vísindavefurinn. 25. apr. 2005. Vefsíða. 14. des. 2018. <http://visindavefur.is/svar.php?id=4939>.

Chicago | APA | MLA

Sendu inn spurningu
eða

Vísindadagatalið

Ólöf Guðný Geirsdóttir

1968

Ólöf Guðný Geirsdóttir er dósent í næringarfræði við Matvæla- og næringarfræðideild HÍ. Meginviðfangsefni hennar eru næringarástand aldraðra ásamt rannsóknum á áhrifum næringar á farsæla öldrun.