Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Úr hvaða efni eru ský?

Skýin sem við sjáum á himninum eru einfaldlega safn örsmárra vatnsdropa. Þau myndast þegar vatnsgufa í andrúmsloftinu kólnar. Við það þéttist hún og skýin verða til.

Þegar loft streymir upp á við lækkar bæði þrýstingur og hiti þess. Uppstreymi verður til dæmis þegar vindur lendir á fjöllum en þá þvingast loftið upp á við. Þegar það gerist kólnar loftið, vatnsgufan þéttist og ský myndast.

En skýin eru ekki bara á himninum. Stundum eru þau alveg við jörðina og þá köllum við þau þoku. Þokan tengist auðvitað ekki uppstreymi heldur oftast kólnun vegna snertingar loftsins við kalt yfirborð jarðarinnar, til dæmis á fjöllum.

Tilviljanakenndar hreyfingar skýjadropanna leiða stundum til þess að þeir rekast hver á annan. Við það fækkar dropunum og þeir stækka. Þegar þeir eru orðnir nógu stórir falla þeir loks til jarðar, annað hvort sem rigning eða snjókoma.

Frekara lesefni:

Mynd:


Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.

Útgáfudagur

17.10.2008

Spyrjandi

Arna

Höfundur

Tilvísun

JGÞ. „Úr hvaða efni eru ský?“ Vísindavefurinn, 17. október 2008. Sótt 20. september 2017. http://visindavefur.is/svar.php?id=49637.

JGÞ. (2008, 17. október). Úr hvaða efni eru ský? Vísindavefurinn. Sótt af http://visindavefur.is/svar.php?id=49637

JGÞ. „Úr hvaða efni eru ský?“ Vísindavefurinn. 17. okt. 2008. Vefsíða. 20. sep. 2017. <http://visindavefur.is/svar.php?id=49637>.

Chicago | APA | MLA

Sendu inn spurningu
eða

Vísindadagatalið

Kjarnorka

Kjarnorka er langöflugasta náttúrulega orkulindin sem til er. Hún á upptök sín í atómkjörnunum. Kjarnorka sólarinnar gerir líf á jörðinni mögulegt. Menn hafa nýtt kjarnorku á ýmsa vegu. Í kjarnorkuverum er keðjuverkandi kjarnaklofnun notuð til að framleiða gufu sem er síðan látin knýja hverfla til rafmagnsframleiðslu. Kjarnorka verður annars vegar til við klofnun þyngstu atómkjarna og hins vegar við samruna léttustu kjarnanna.