Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver var Saladín Tyrkjasoldán?

Saladín (Selaheddînê Eyûbî eða Salah al-Din Yusuf ibn Ayyub) fæddist árið 1137 eða 1138 í borginni Takrít í Mesópótamíu, en var alinn upp í Aleppó, Ba'lbek og Damaskus. Hans er minnst, bæði af múslímum og kristnum mönnum, sem voldugum og göfugum leiðtoga.

Sem ungur maður hafði Saladín mestan áhuga á að gerast múslímskur prestur, en samt sem áður gekk hann í herlið frænda síns, Asad as-Din Shirkuh. Þegar Saladín var 31 árs að aldri dó frændi hans. Saladín var þá gerður að yfirmanni í hernum og að vesír (æðsta ráðgjafa) Egyptalands, og árið 1171 tók hann við stjórn landsins. Á árunum 1174-1186 tókst Saladín svo, nær án valdbeitingar, að sameina Egyptaland, Sýrland, Palestínu og norðurhluta Mesópótamíu undir einum fána.

Í fyrstu krossferðinni lögðu kristnir riddarar undir sig mestan hluta Palestínu og hina heilögu borg Jerúsalem. Árið 1187 náði Saladín og her hans að gjörsigra kristna menn við Tíberíu, og hann náði borgunum Akre, Tóron, Beirút, Sídon, Nasaret, Keisareu, Nabúlus, Jaffa og Askalon á sitt vald. Að lokum tók hann Jerúsalem 2. október árið 1187, en þá hafði hún verið í höndum kristinna manna í 88 ár.

Heimildir og mynd

  • Saladin. Encyclopædia Britannica Online.
  • Saladin. Wikipedia, frjálsa alfræðiorðabókin.
  • Vizier. Wikipedia, frjálsa alfræðiorðabókin.
  • Myndin er af Saladin. Encyclopaedia of the Orient.


Þetta svar er eftir nemanda í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2005.

Útgáfudagur

27.7.2005

Spyrjandi

Trausti Tryggvason

Höfundur

nemandi í Háskóla unga fólksins

Tilvísun

Magnús Magnússon. „Hver var Saladín Tyrkjasoldán?“ Vísindavefurinn, 27. júlí 2005. Sótt 20. júlí 2018. http://visindavefur.is/svar.php?id=5162.

Magnús Magnússon. (2005, 27. júlí). Hver var Saladín Tyrkjasoldán? Vísindavefurinn. Sótt af http://visindavefur.is/svar.php?id=5162

Magnús Magnússon. „Hver var Saladín Tyrkjasoldán?“ Vísindavefurinn. 27. júl. 2005. Vefsíða. 20. júl. 2018. <http://visindavefur.is/svar.php?id=5162>.

Chicago | APA | MLA

Sendu inn spurningu
eða

Vísindadagatalið

Rósettusteinninn

Hermenn Napóleons Bónapartes fundu Rósettusteininn í júlí 1799, nálægt egypsku borginni Rosetta sem í dag ber nafnið Rashid. Á steininn er sami texti letraður á þremur mismunandi ritmálum: fornegypsku myndletri eða híeróglýfum, yngra egypsku letri og loks grísku. Steinninn gerði mönnum kleift að ráða egypska myndletrið. Rósettusteinninn er til sýnis í Breska safninu í London.