Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvar eru eyrun á froskum?

Það er erfitt að koma auga á eyru á froskum þar sem þeir, líkt og fuglar og skriðdýr, hafa ekki ytri eyru. Hins vegar hafa þeir innri eyru en hljóðhimnan er staðsett við yfirborðið rétt fyrir aftan augun eins og sést á meðfylgjandi mynd.



Hér má sjá framhluta (höfuð) frosks. Örin sem merkt er 1 bendir á hljóðhimnuna sem er hringlaga og venjulega jafn stór og augun.

Fyrir innan hljóðhimnuna er vökvi með bifhárafrumum. Við rætur bifhárafrumnanna er fjöldi taugaþráða sem liggja inn í heilann. Þegar hljóð berst að frosknum skellur það á hljóðhimnunni sem titrar og bylgja berst síðan inn í innra eyrað þar sem vökvinn og bifhárafrumurnar eru. Bylgjan hreyfir við bifhárunum og þá fara af stað taugaboð sem berast til viðeigandi stöðva í heilanum sem túlka þau sem hljóðáreiti.

Mynd: BioG101-104 - Cornell University's introductory biology sequence.

Útgáfudagur

17.8.2005

Spyrjandi

Þórdís Pétursdóttir, f. 1992

Höfundur

Jón Már Halldórsson

líffræðingur

Tilvísun

Jón Már Halldórsson. „Hvar eru eyrun á froskum? “ Vísindavefurinn, 17. ágúst 2005. Sótt 12. desember 2017. http://visindavefur.is/svar.php?id=5203.

Jón Már Halldórsson. (2005, 17. ágúst). Hvar eru eyrun á froskum? Vísindavefurinn. Sótt af http://visindavefur.is/svar.php?id=5203

Jón Már Halldórsson. „Hvar eru eyrun á froskum? “ Vísindavefurinn. 17. ágú. 2005. Vefsíða. 12. des. 2017. <http://visindavefur.is/svar.php?id=5203>.

Chicago | APA | MLA

Sendu inn spurningu
eða

Vísindadagatalið

Vindmylla

Vindmyllur eiga uppruna sinn að rekja til Persíu og Kína. Þar var vindorkan einkum notuð til að mala korn og til vatnsveitu. Vindmyllur nú á dögum eru töluvert þróaðri en byggjast á sömu hugmynd. Í vindmyllum sem framleiða rafmagn er vindurinn látinn snúa spöðum á ás sem tengdur er við rafal og hann umbreytir hreyfiorku vindsins í raforku.