Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvar vex fjalldalafífill?

Fjalldalafífill (Geum rivale), einnig kallaður biskupshattur, er blómplanta af rósaætt (Rosaceae) en til þeirrar skrautlegu ættar teljast rúmlega 2000 tegundir í um 100 ættkvíslum. Kjörlendi fjalldalafífilsins eru grasríkir móar og hvammar og gil sem eru ekki þurr.

Fjalldalafífillinn er algengastur á Vestur- og Norðvesturlandi auk þess sem hann hefur talsverða útbreiðslu á Austurlandi. Hann er hins vegar fágætari á Suðurlandi og finnst helst í Árnessýslu. Útbreiðslu fjalldalafífils má sjá á korti á heimasíðunni Flóra Íslands.



Fjalldalafífill (Geum rivale).

Á heimsvísu hefur fjalldalafífillinn mikla útbreiðslu beggja megin Atlantshafsins. Í Norður-Ameríku vex hann stranda á milli allt norður frá Nýfundalandi í austri til Bresku Kólumbíu í vestri og suður til New Jersey og Colorado í Bandaríkjunum. Fjalldalafífill er einnig útbreiddur í vestanverðri og mið-Evrópu, og raunar nær útbreiðslan allt austur til Rússlands.

Heimild og mynd:

Útgáfudagur

8.9.2005

Spyrjandi

Kristinn Brynjólfsson

Höfundur

Jón Már Halldórsson

líffræðingur

Tilvísun

Jón Már Halldórsson. „Hvar vex fjalldalafífill? “ Vísindavefurinn, 8. september 2005. Sótt 17. ágúst 2018. http://visindavefur.is/svar.php?id=5253.

Jón Már Halldórsson. (2005, 8. september). Hvar vex fjalldalafífill? Vísindavefurinn. Sótt af http://visindavefur.is/svar.php?id=5253

Jón Már Halldórsson. „Hvar vex fjalldalafífill? “ Vísindavefurinn. 8. sep. 2005. Vefsíða. 17. ágú. 2018. <http://visindavefur.is/svar.php?id=5253>.

Chicago | APA | MLA

Sendu inn spurningu
eða

Vísindadagatalið

Sveinn Hákon Harðarson

1978

Sveinn Hákon Harðarson er lektor í lífeðlisfræði við Háskóla Íslands. Sveinn rannsakar súrefnisbúskap í sjónhimnu augans. Rannsóknarhópurinn sem Sveinn tilheyrir hefur á undanförnum árum þróað tækni til súrefnismælinga í sjónhimnu. Þá tækni hefur hópurinn nýtt til rannsókna á eðlilegri lífeðlisfræði sjónhimnu og þeim frávikum sem verða við sjúkdóma.