Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvort er réttara að segja "margt fólk" eða "mikið fólk"?

Það telst betra mál að nota lýsingarorðið margur um það sem hægt er að telja. Sem dæmi mætti nefna: Það voru margir krakkar á leikvellinum fremur en Það var mikið af krökkum á leikvellinum, Margir bílar voru á stæðinu fremur en Mikið af bílum var á stæðinu. Á sama hátt telja margir betra mál að segja: Það var margt fólk á sýningunni fremur en Það var mikið af fólki á sýningunni, Margt fólk var við opnun sýningarinnar fremur en Mikið af fólki var við opnun sýningarinnar. Ekki er rétt að segja: *Það var mikið fólk á sýningunni eða *Það var mikið fólk viðstatt opnun sýningarinnar.


Það telst betra mál að nota margur um það sem hægt er að telja, til dæmis margir krakkar. Mikill er hins vegar notað um það sem ekki er teljanlegt, eins og mikill sykur.

Lýsingarorðið mikill er notað þegar verið er að tala um magn af einhverju sem ekki er teljanlegt, til dæmis: Hann notaði mikinn sykur út á skyrið eða mikið af sykri. Mikilli mjólk var hellt niður eða Miklu af mjólk var hellt niður.

Upprunalega hljóðaði spurningin svona:
Hvort er réttara að segja "margt fólk" eða "mikið fólk"? og er rétt eð segja að það "sé allt fullt af fólki?" Þetta heyrir maður oft á öldum ljósvakans og mig langar að vita hvort eitthvað er rétt eða rangt.

Mynd:

Útgáfudagur

23.10.2009

Spyrjandi

Jón Ragnar Jónsson

Höfundur

Guðrún Kvaran

prófessor

Tilvísun

Guðrún Kvaran. „Hvort er réttara að segja "margt fólk" eða "mikið fólk"?“ Vísindavefurinn, 23. október 2009. Sótt 19. nóvember 2017. http://visindavefur.is/svar.php?id=53279.

Guðrún Kvaran. (2009, 23. október). Hvort er réttara að segja "margt fólk" eða "mikið fólk"? Vísindavefurinn. Sótt af http://visindavefur.is/svar.php?id=53279

Guðrún Kvaran. „Hvort er réttara að segja "margt fólk" eða "mikið fólk"?“ Vísindavefurinn. 23. okt. 2009. Vefsíða. 19. nóv. 2017. <http://visindavefur.is/svar.php?id=53279>.

Chicago | APA | MLA

Sendu inn spurningu
eða

Vísindadagatalið

Mikki mús

Almenningur fékk fyrst að líta Mikka mús augum 18. nóvember 1928 í myndinni Steamboat Willie eða Gufubáturinn Villi. Steamboat Willie er þekkt fyrir að vera ein fyrsta hljóðteiknimyndin. Mína mús, kærasta Mikka, kom einnig fram á sjónarsviðið í myndinni.