Hvað gerist í líkamanum eftir dauðann? Er það þá sem dauðahryglur heyrast og hvað eru þær eiginlega?

Nafn þitt

Netfang þitt

Netfang móttakanda

Ruslpóstvörn =

Svar

Hvað gerist í líkamanum eftir dauðann? Er það þá sem dauðahryglur heyrast og hvað eru þær eiginlega?
Dauðahrygla er hósti eða snörl deyjandi manns. Það er þess vegna ekki tengt þeim ferlum sem fara af stað í líkamanum eftir dauðann.

Það sem gerist eftir dauðann er að líkaminn rotnar. Annars vegar fyrir tilstilli svonefndra efnakljúfa sem eru í vefjafrumum okkar en hins vegar vegna gerla sem eru í líkama okkar en fjölga sér mikið eftir dauðann.

Dauði Marat. Olíumálverk frá 1793 eftir Jacques-Louis David (1748 - 1825).

Þegar við deyjum stöðvast efnahvörf í frumum líkamans. Efnakljúfar sem starfa alla jafna eðlilega inni í frumunum taka þá til við að brjóta frumurnar niður. Þessi rotnun nefnist sjálfrot.

Eftir dauðann fjölgar gerlum sem lifa í líkama okkar. Fjölgunin á sér fyrst stað í þörmunum og þaðan dreifast gerlarnir eftir æðum og fara um allan líkamann. Efni sem gerlarnir framleiða brjóta niður vefi og stuðla þannig að rotnuninni.

Um rotnun mannslíkamans má lesa meira í fróðlegu svari Gunnlaugs Geirssonar við spurningunni Hvað gerist við rotnun mannslíkamans? en þetta svar byggir einmitt á því.

Mynd: Web Gallery of Art. Sótt 27. 8. 2009....