Senda inn spurningu
Sólin Sólin Rís 05:19 • sest 21:35 í Reykjavík
Tunglið Tunglið Rís 25:18 • Sest 04:56 í Reykjavík
Flóð Flóð Árdegis: 07:07 • Síðdegis: 19:24 í Reykjavík
Fjaran Fjara Árdegis: 01:08 • Síðdegis: 13:14 í Reykjavík
Visit the English version

Flokkun:

Hugvísindi Trúarbrögð

Er Guð karl eða kona?

HB og nemendur



Hægt er að hugsa sér Guð sem karl eða konu, eða hvað sem okkur virðist Guð vera. Fólk sér Guð á ólíkan hátt til að auka skilning sinn á hvað Guð er. Þegar við segjum eða skrifum að Guð sé karl eða kona, þá erum við að mynda okkur skoðun sem við getum ekki sannað. Betra er að gera Guð að því sem þú vilt, ef það eykur traust þitt og trú á Guð. Sumir sjá Guð fyrir sér sem gamlan karl, eins og elskulegan afa, en aðrir sjá fyrir sér brennandi runna eða skínandi ljós. Minningar og reynsla geta haft áhrif á skoðun okkar og hvernig við sjáum Guð fyrir okkur. Samt sem áður er ímynd okkar af Guði ekki það sem skiptir máli, heldur hugmyndin eða það sem býr að baki ímyndinni. Hugmyndina um Guð er ekki hægt að takmarka, því að hún er síbreytileg og mótast af trúarlegri reynslu. Guð skilgreinir fólk og fólk skilgreinir Guð.

Að flokka Guð sem hugtak tengt öðrum hugtökum getur hæglega leitt út í ógöngur. Flokkunin yrði aldrei þannig að allir yrðu sáttir við hana. Margir líta á Guð sem hinn 'almáttuga stjórnanda'. Tilraunir til að flokka Guð sem karl eða konu kunna þannig að vera fyrirfram dæmdar til að mistakast. Að ein manneskja felldi slíkan dóm fyrir alla aðra á jörðinni væri skammsýni. Kannski er Guð aðeins í þeirri mynd sem hvert okkar um sig vill að hann sé: karl, kona, hlutur eða hugmynd.

Eftirtaldir nemendur á heimspekinámskeiði fyrir börn og unglinga í Nebraska í Bandaríkjunum gerðu drög að þessu svari undir leiðsögn Hrannars Baldurssonar kennara síns: Melissa Favinger, Tiffany Duncan, Jordan Johnson.

Mynd: Úr kvikmyndinni Contact, eftir Robert Zemeckis

Höfundar

HB

uppeldisfræðingur og heimspekingur

nemendur

Útgáfudagur

21.6.2000

Spyrjandi

Hrannar Baldursson og nemendur

Efnisorð

Tilvísun

HB og nemendur. „Er Guð karl eða kona?“ Vísindavefurinn, 21. júní 2000. Sótt 25. apríl 2024. http://visindavefur.is/svar.php?id=552.

HB og nemendur. (2000, 21. júní). Er Guð karl eða kona? Vísindavefurinn. Sótt af http://visindavefur.is/svar.php?id=552

HB og nemendur. „Er Guð karl eða kona?“ Vísindavefurinn. 21. jún. 2000. Vefsíða. 25. apr. 2024. <http://visindavefur.is/svar.php?id=552>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Er Guð karl eða kona?


Hægt er að hugsa sér Guð sem karl eða konu, eða hvað sem okkur virðist Guð vera. Fólk sér Guð á ólíkan hátt til að auka skilning sinn á hvað Guð er. Þegar við segjum eða skrifum að Guð sé karl eða kona, þá erum við að mynda okkur skoðun sem við getum ekki sannað. Betra er að gera Guð að því sem þú vilt, ef það eykur traust þitt og trú á Guð. Sumir sjá Guð fyrir sér sem gamlan karl, eins og elskulegan afa, en aðrir sjá fyrir sér brennandi runna eða skínandi ljós. Minningar og reynsla geta haft áhrif á skoðun okkar og hvernig við sjáum Guð fyrir okkur. Samt sem áður er ímynd okkar af Guði ekki það sem skiptir máli, heldur hugmyndin eða það sem býr að baki ímyndinni. Hugmyndina um Guð er ekki hægt að takmarka, því að hún er síbreytileg og mótast af trúarlegri reynslu. Guð skilgreinir fólk og fólk skilgreinir Guð.

Að flokka Guð sem hugtak tengt öðrum hugtökum getur hæglega leitt út í ógöngur. Flokkunin yrði aldrei þannig að allir yrðu sáttir við hana. Margir líta á Guð sem hinn 'almáttuga stjórnanda'. Tilraunir til að flokka Guð sem karl eða konu kunna þannig að vera fyrirfram dæmdar til að mistakast. Að ein manneskja felldi slíkan dóm fyrir alla aðra á jörðinni væri skammsýni. Kannski er Guð aðeins í þeirri mynd sem hvert okkar um sig vill að hann sé: karl, kona, hlutur eða hugmynd.

Eftirtaldir nemendur á heimspekinámskeiði fyrir börn og unglinga í Nebraska í Bandaríkjunum gerðu drög að þessu svari undir leiðsögn Hrannars Baldurssonar kennara síns: Melissa Favinger, Tiffany Duncan, Jordan Johnson.

Mynd: Úr kvikmyndinni Contact, eftir Robert Zemeckis...