Silfur (Ag) hefur hæsta rafleiðni málma við staðalskilyrði.
Rafleiðni málma er mælikvarði á hversu greiðlega rafeindir ferðast um málminn milli punkta sem haldið er við mismunandi rafspennu. Því meira sem rafviðnám (mælieining: Ohm) málmsins er því minni er leiðnin. Leiðni er því skilgreind í öfugu hlutfalli við rafviðnám og hefur eininguna 1/Ohm eða Ohm-1 og er gefið heitið siemens og bókstafstáknið S.
Til að hægt sé að bera saman leiðni mismunandi málma verður að miða hana við tiltekna einingalengd (til dæmis metra). Leiðni sem gefin er upp á þennan hátt miðast svo aftur við ákveðna flatareiningu málmsins (til dæmis fermetra). Þegar þetta er gert kemur í ljós að silfur hefur hæsta leiðni allra málma við staðalskilyrði (einnar loftþyngdar þrýsting og stofuhita), eða 63,01 • 106 S/m. Kopar og gull koma þar á eftir.
Silfur
Innbyrðis titringur atóma málma hefur hamlandi áhrif á rafleiðni og titringsorka atóma vex með hitastigi. Því er rafleiðni hitastigsháð. Rafleiðni málma og ýmissa annarra efna getur aukist verulega við minnkandi titring atóma efnisins samfara kælingu. Við ofurkælingu niður í alkul fæst lágmarkstitringur atóma. Við slíkar aðstæður getur rafviðnám orðið hverfandi og viðkomandi efni því orðið ofurleiðandi. Fjölmargir málmar eru gæddir þessum eiginleikum. Þó gildir það ekki um þá málma sem mesta rafleiðni hafa við stofuhita, það er silfur, kopar og gull.
Heimildir og mynd
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 05:51 • sest 21:06
Tunglið
Rís 09:47 • Sest 06:52
Flóð
Árdegis: 00:02 • Síðdegis: 12:48
Fjara
Árdegis: 06:36 • Síðdegis: 18:53
