Senda inn spurningu
Sólin Sólin Rís 05:22 • sest 21:31 í Reykjavík
Tunglið Tunglið Rís 23:11 • Sest 05:11 í Reykjavík
Flóð Flóð Árdegis: 06:38 • Síðdegis: 18:56 í Reykjavík
Fjaran Fjara Árdegis: 00:39 • Síðdegis: 12:46 í Reykjavík
Visit the English version
Árnastofnun - mynd í *Árnarstofnun

Flokkun:

Hugvísindi Málvísindi: íslensk

Hvaðan kemur kjötáleggsnafnið malakoff og hvað merkir það?

Guðrún Kvaran

Sennilega kemur Malakoffpylsan upphaflega frá Rússlandi. Að minnsta kosti er hún talin sem rússnesk pylsa í þýskumælandi löndum. Sagt er að í hana þurfi meðal annars nautatungu og svínafitu. Hvernig og hvaðan Malakoff-pylsan barst til Íslands er ekki vitað. Líklegast upphaflega frá Danmörku því að í gömlum auglýsingum frá því snemma á 20. öld eru nefndar ,,servelat- spege- og Malakoffpylsur“. Hugsanlega hefur uppskriftin borist þangað frá Þýskalandi og nafnið með.

Ýmsir réttir eru kenndir við Malakoff, meðal annars kartöflusúpa, Malakoffterta og sérstakur ostasmáréttur. Sögur eru á kreiki hvernig á nafninu standi. Hér eru tvær og á hin síðari sérstaklega við ostaréttinn.


Franski hershöfðinginn Jean Jacques Pélissier vann ásamt hermönnum sínum rússneska virkið Malakow í Krímstríðinu.

Hermaður nokkur af tékkneskum ættum, Jean Jacques Pélissier, þjónaði fyrst sem einfaldur hermaður í franska hernum í Krímstríðinu (1853–1856) en vann sig jafnt og þétt upp í að verða majór og síðan hershöfðingi. Árið 1855 tókst honum og hermönnum hans að vinna rússneska virkið Malakow (á frönsku Malakoff) við Sewastopol. Þegar hann kom heim til Frakklands var hann aðlaður og fékk titilinn duc de Malakoff. Malakoff greifi var mikill matgæðingur og er það ástæða þess að réttirnir bera nafn hans. Sérstaklega virðist Malakoff-tertan vinsæl.

Síðari sagan er um ostinn. Sagt er að ostarétturinn hafi orðið til í Krímstríðinu. Svissneskir hermenn börðust í liði Napóleons III. Þegar þeir sátu um hafnarborgina Sewastopol og virkið Malakow gæddu þeir sér gjarnan á steiktum osti. Eftir að heim var komið héldu þeir upp á sigurinn með steiktum osti. Uppskriftirnar af Malakoff-ostinum eru afar margar og allir halda því fram að vera með þá einu réttu.

Mynd:

Höfundur

Guðrún Kvaran

Guðrún Kvaran

prófessor

Útgáfudagur

3.5.2010

Spyrjandi

Rán Flygenring, Ágúst Berg Arnarsson, Hulda Sigurveig Leifsdottir

Efnisorð

Tilvísun

Guðrún Kvaran. „Hvaðan kemur kjötáleggsnafnið malakoff og hvað merkir það?“ Vísindavefurinn, 3. maí 2010. Sótt 24. apríl 2024. http://visindavefur.is/svar.php?id=55452.

Guðrún Kvaran. (2010, 3. maí). Hvaðan kemur kjötáleggsnafnið malakoff og hvað merkir það? Vísindavefurinn. Sótt af http://visindavefur.is/svar.php?id=55452

Guðrún Kvaran. „Hvaðan kemur kjötáleggsnafnið malakoff og hvað merkir það?“ Vísindavefurinn. 3. maí. 2010. Vefsíða. 24. apr. 2024. <http://visindavefur.is/svar.php?id=55452>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvaðan kemur kjötáleggsnafnið malakoff og hvað merkir það?
Sennilega kemur Malakoffpylsan upphaflega frá Rússlandi. Að minnsta kosti er hún talin sem rússnesk pylsa í þýskumælandi löndum. Sagt er að í hana þurfi meðal annars nautatungu og svínafitu. Hvernig og hvaðan Malakoff-pylsan barst til Íslands er ekki vitað. Líklegast upphaflega frá Danmörku því að í gömlum auglýsingum frá því snemma á 20. öld eru nefndar ,,servelat- spege- og Malakoffpylsur“. Hugsanlega hefur uppskriftin borist þangað frá Þýskalandi og nafnið með.

Ýmsir réttir eru kenndir við Malakoff, meðal annars kartöflusúpa, Malakoffterta og sérstakur ostasmáréttur. Sögur eru á kreiki hvernig á nafninu standi. Hér eru tvær og á hin síðari sérstaklega við ostaréttinn.


Franski hershöfðinginn Jean Jacques Pélissier vann ásamt hermönnum sínum rússneska virkið Malakow í Krímstríðinu.

Hermaður nokkur af tékkneskum ættum, Jean Jacques Pélissier, þjónaði fyrst sem einfaldur hermaður í franska hernum í Krímstríðinu (1853–1856) en vann sig jafnt og þétt upp í að verða majór og síðan hershöfðingi. Árið 1855 tókst honum og hermönnum hans að vinna rússneska virkið Malakow (á frönsku Malakoff) við Sewastopol. Þegar hann kom heim til Frakklands var hann aðlaður og fékk titilinn duc de Malakoff. Malakoff greifi var mikill matgæðingur og er það ástæða þess að réttirnir bera nafn hans. Sérstaklega virðist Malakoff-tertan vinsæl.

Síðari sagan er um ostinn. Sagt er að ostarétturinn hafi orðið til í Krímstríðinu. Svissneskir hermenn börðust í liði Napóleons III. Þegar þeir sátu um hafnarborgina Sewastopol og virkið Malakow gæddu þeir sér gjarnan á steiktum osti. Eftir að heim var komið héldu þeir upp á sigurinn með steiktum osti. Uppskriftirnar af Malakoff-ostinum eru afar margar og allir halda því fram að vera með þá einu réttu.

Mynd:...