Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hversu mörg tónverk samdi Mozart?

Wolfgang Amadeus Mozart fæddist 27. janúar 1756 í Salzburg, Austurríki – nákvæmlega 250 árum áður en þetta er skrifað. Mozart er talinn eitt merkasta tónskáld allra tíma og tónverk hans eru orðin að nokkurs konar erkidæmum um klassíska tónlist.


Snillingurinn W. A. Mozart (1756-1791) var ótrúlega afkastamikið og fjölhæft tónskáld.

Eins og alþekkt er byrjaði Mozart að semja tónlist þegar hann var aðeins barn að aldri, þótt fyrstu verkin væru ekki ýkja merkileg. Mozart var afkastamikið tónskáld og samdi um sína stuttu ævi fjölda verka af nær öllum gerðum, þar á meðal: Óratóríur (trúarleg verk fyrir einsöngvara, kór og hljómsveit), kantötur (verk fyrir söng og hljóðfæri), mótettur (trúarleg verk fyrir kór), sónötur (kaflaskipt einleiksverk), konserta, sinfóníur, strengjakvartetta og -kvintetta og svo auðvitað óperur. Lætur nærri að verk Mozarts séu um 600 talsins.

Taflan hér á eftir sýnir nokkur tónverk Mozarts í aldursröð:

1761 Andante í C Fyrsta varðveitta verk Mozarts
1761 Allegro í F Fyrsta tölusetta verkið
1786 Brúðkaup Fígarós Skopópera
1787 Eine kleine Nachtmusik Verk fyrir tvær fiðlur, víólu og selló
1787 Don Giovanni Ópera
1790 Così fan tutte Skopópera
1791 Töfraflautan (Die Zauberflöte) Ópera
1791 Sálumessa í D-moll Óklárað hinsta verk

Hér má svo nálgast nokkur tóndæmi úr verkum Mozarts. Athugið að nota þarf tónlistarforrit sem styðja skrár með endinguna .ogg (svo sem forritið VLC media player sem má hala niður hér).

Helstu heimildir, mynd og tónlist

  • The Mozart Project. Steve Boerner.
  • Wolfgang Amadeus Mozart. Encyclopædia Britannica Online.
  • Myndin er af Mozart illuminato a Vienna.
  • Tónlistin er fengin af Wolfgang Amadeus Mozart. Wikipedia, frjálsa alfræðiorðabókin.
  • Fyrsta tóndæmið er flutt af: O'Keefe, MIT Concert Choir, William Cutter.
  • Annað tóndæmið er flutt af: Albert Tipton og Mary Norris.
  • Þriðja tóndæmið er flutt af: Fulda Symphonic Orchestra, stjórnandi er Simon Schindler.

Útgáfudagur

27.1.2006

Spyrjandi

Daníel Þór Valdimarsson

Höfundur

Heiða María Sigurðardóttir

doktor í taugavísindum

Tilvísun

Heiða María Sigurðardóttir. „Hversu mörg tónverk samdi Mozart?“ Vísindavefurinn, 27. janúar 2006. Sótt 25. september 2017. http://visindavefur.is/svar.php?id=5599.

Heiða María Sigurðardóttir. (2006, 27. janúar). Hversu mörg tónverk samdi Mozart? Vísindavefurinn. Sótt af http://visindavefur.is/svar.php?id=5599

Heiða María Sigurðardóttir. „Hversu mörg tónverk samdi Mozart?“ Vísindavefurinn. 27. jan. 2006. Vefsíða. 25. sep. 2017. <http://visindavefur.is/svar.php?id=5599>.

Chicago | APA | MLA

Sendu inn spurningu
eða

Vísindadagatalið

Smásjá

Smásjá er tæki til að skoða smáa hluti mikið stækkaða. Fyrstu smásjárnar voru líklega gerðar í Hollandi seint á 16. öld. Hollenski vísindamaðurinn Antonie van Leeuwenhoek (1632–1723) beitti smásjá við rannsóknir á smásæjum fyrirbærum. Hann er oft kallaður faðir örverufræðinnar.