Senda inn spurningu
Sólin Sólin Rís 05:40 • sest 21:16 í Reykjavík
Tunglið Tunglið Rís 15:13 • Sest 05:59 í Reykjavík
Flóð Flóð Árdegis: 03:57 • Síðdegis: 16:31 í Reykjavík
Fjaran Fjara Árdegis: 10:23 • Síðdegis: 22:34 í Reykjavík
Visit the English version

Flokkun:

Hugvísindi Trúarbrögð

Hvenær er dagur tónlistardýrlingsins heilagrar Sesselju?

Heiða María Sigurðardóttir

Dagur heilagrar Sesselju er 22. nóvember, bæði samkvæmt kaþólskri trú og í rétttrúnaðarkirkjunni (e. orthodox church).

Flestum heimildum ber saman um að Sesselja hafi verið uppi á þriðju öld, en sumar telja að hún hafi verið uppi á annarri öld. Sesselja er sögð hafa verið af rómverskum aðalsættum og átti að hafa heitið Guði því að leggjast aldrei með neinum manni. Henni var gert að giftast hinum heiðna Valeríanusi. "Leið svo að brúðkaupsdegi, og meðan tónlistin ómaði söng hún í hjarta sínu til Guðs: Gerðu hjarta mitt og líkama hreinan svo að ég megi eigi flekkuð verða".*

Á brúðkaupsnóttina sagði Sesselja Valeríanusi að hún væri lofuð engli sem ekki vildi að hún missti meydóm sinn. Valeríanus vildi þá sjá engilinn, og til að eiga þess kost lét hann skírast. Eftir það birtist engillinn honum. Tiburtíus bróðir hans sá einnig engilinn og snerist líka til kristinnar trúar.

Á þessum tíma var kristni óleyfileg í Róm og dóu þau öll píslarvottadauða: Valeríanus, Tiburtíus og Sesselja.

Heilög Sesselja varð líklega dýrlingur tónlistar sökum þess að hún lofsamaði Guð með hljóðfæraleik og söng. Margir listamenn hafa minnst hennar í verkum sínum, þar á meðal listmálararnir Rafael og Rubens, og tónskáldin Purcell og Händel. Á síðunni Handel: An Ode for St Cecilia's Day má einmitt hlusta á tónverk eftir Händel sem tileinkað er Sesselju.

* Lausleg þýðing úr ensku: "The day on which the wedding was to be held arrived and while musical instruments were playing she was singing in her heart to God alone saying: Make my heart and my body pure that I may not be confounded.".

Frekara lesefni á Vísindavefnum

Heimildir og mynd

Höfundur

Heiða María Sigurðardóttir

Heiða María Sigurðardóttir

prófessor við Sálfræðideild

Útgáfudagur

4.5.2006

Spyrjandi

Sesselja Guðmundsdóttir

Efnisorð

Tilvísun

Heiða María Sigurðardóttir. „Hvenær er dagur tónlistardýrlingsins heilagrar Sesselju?“ Vísindavefurinn, 4. maí 2006. Sótt 19. apríl 2024. http://visindavefur.is/svar.php?id=5861.

Heiða María Sigurðardóttir. (2006, 4. maí). Hvenær er dagur tónlistardýrlingsins heilagrar Sesselju? Vísindavefurinn. Sótt af http://visindavefur.is/svar.php?id=5861

Heiða María Sigurðardóttir. „Hvenær er dagur tónlistardýrlingsins heilagrar Sesselju?“ Vísindavefurinn. 4. maí. 2006. Vefsíða. 19. apr. 2024. <http://visindavefur.is/svar.php?id=5861>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvenær er dagur tónlistardýrlingsins heilagrar Sesselju?
Dagur heilagrar Sesselju er 22. nóvember, bæði samkvæmt kaþólskri trú og í rétttrúnaðarkirkjunni (e. orthodox church).

Flestum heimildum ber saman um að Sesselja hafi verið uppi á þriðju öld, en sumar telja að hún hafi verið uppi á annarri öld. Sesselja er sögð hafa verið af rómverskum aðalsættum og átti að hafa heitið Guði því að leggjast aldrei með neinum manni. Henni var gert að giftast hinum heiðna Valeríanusi. "Leið svo að brúðkaupsdegi, og meðan tónlistin ómaði söng hún í hjarta sínu til Guðs: Gerðu hjarta mitt og líkama hreinan svo að ég megi eigi flekkuð verða".*

Á brúðkaupsnóttina sagði Sesselja Valeríanusi að hún væri lofuð engli sem ekki vildi að hún missti meydóm sinn. Valeríanus vildi þá sjá engilinn, og til að eiga þess kost lét hann skírast. Eftir það birtist engillinn honum. Tiburtíus bróðir hans sá einnig engilinn og snerist líka til kristinnar trúar.

Á þessum tíma var kristni óleyfileg í Róm og dóu þau öll píslarvottadauða: Valeríanus, Tiburtíus og Sesselja.

Heilög Sesselja varð líklega dýrlingur tónlistar sökum þess að hún lofsamaði Guð með hljóðfæraleik og söng. Margir listamenn hafa minnst hennar í verkum sínum, þar á meðal listmálararnir Rafael og Rubens, og tónskáldin Purcell og Händel. Á síðunni Handel: An Ode for St Cecilia's Day má einmitt hlusta á tónverk eftir Händel sem tileinkað er Sesselju.

* Lausleg þýðing úr ensku: "The day on which the wedding was to be held arrived and while musical instruments were playing she was singing in her heart to God alone saying: Make my heart and my body pure that I may not be confounded.".

Frekara lesefni á Vísindavefnum

Heimildir og mynd

...