Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað er guð stór upp á cm?

Spurningin felur í sér fullyrðingu: Að guð sé til. Um þetta eru auðvitað ekki allir sammála eins og fjallað er nánar um í svari Heiðu Maríu Sigurðardóttur við spurningunni Er guð til?

Ef gert er ráð fyrir að til séu æðri máttarvöld eru lýsingar á útliti þeirra æði misjafnar. Guðir margra trúarbragða líta út eins og menn. Þetta á við um hinn kristna guð, sem sagður er hafa skapað mennina í sinni mynd.


Hindúaguðinn Ganesha hefur fjórar hendur og fílshaus.

Guðir sumra annarra trúarbragða, til dæmis hindúatrúar, líkjast mönnum en skera sig frá þeim að sumu leyti. Guðirnir geta til dæmis haft mörg höfuð eða fleiri en tvær hendur. Enn aðrir guðir líta út eins og dýr. Svo eru líka allnokkrar sögur af guðum sem breytt geta um mynd og hafa því væntanlega breytilega stærð.

Að lokum eru þau trúarbrögð sem gera ekki ráð fyrir að guð hafi eitthvert form yfirleitt, heldur sé fremur afl eða orka. Slíkur guð er náttúrulega ekki af neinni sérstakri stærð.

Af öllu þessu má sjá að það er ómögulegt að svara því hve stór guð er upp á sentimetra.

Eyja Margrét Brynjarsdóttir og Þorsteinn Vilhjálmsson fjalla nánar um útlit guðs í svari sínu við spurningunni Hvernig lítur Guð út?

Mynd: Image:Ganesh.jpg. Wikipedia: The Free Encyclopedia.

Útgáfudagur

23.5.2006

Spyrjandi

Sævar Pálsson, f. 1993

Efnisorð

Höfundur

Heiða María Sigurðardóttir

doktor í taugavísindum

Tilvísun

Heiða María Sigurðardóttir. „Hvað er guð stór upp á cm?“ Vísindavefurinn, 23. maí 2006. Sótt 18. júlí 2018. http://visindavefur.is/svar.php?id=5967.

Heiða María Sigurðardóttir. (2006, 23. maí). Hvað er guð stór upp á cm? Vísindavefurinn. Sótt af http://visindavefur.is/svar.php?id=5967

Heiða María Sigurðardóttir. „Hvað er guð stór upp á cm?“ Vísindavefurinn. 23. maí. 2006. Vefsíða. 18. júl. 2018. <http://visindavefur.is/svar.php?id=5967>.

Chicago | APA | MLA

Sendu inn spurningu
eða

Vísindadagatalið

Súkkulaði

Súkkulaði er gert úr kakóbaunum sem vaxa í fræpokum á kakótrénu. Evrópubúar kynntust súkkulaði fyrst hjá frumbyggjum Mið-Ameríku sem höfðu þekkt það í þúsundir ára og neyttu þess í formi súkkulaðidrykkjar. Um miðja 19. öld tóku menn upp á því að vinna kakósmjör úr kakóbaunum og þá var fyrst hægt að framleiða súkkulaði á föstu formi eins og við þekkjum það í dag.